مملکت عدلیه وزیرلیگی مملکتده انسان قاچاقی و مهاجرلر قاچاقی کوپه‌یگنی توغریسیده آمریکا تشقی ایشلر وزیرلیگی نینگ گزارشی گه عکس‌العمل کورسه‌تیب اورغولشیچه، اوروش و ناتینچلیک مملکتده انسان قاچاقی کوپه‌یشی گه سبب بولگن.
عدلیه وزیری فضل‌احمد معنوی کابل ده خبری بیر ییغین اوتکزیب ایتیشیچه، مملکتده انسان قاچاقی تورلی سطح‌لرده قرار تاپگن، بیراق مملکتده انسان قاچاقی و بچه‌بازلیککه قرشی کوره‌ش اوچون جدی سیاسی بیر اراده یوق.
جناب معنوی نینگ ایتیشیچه، مملکتده انسان قاچاقی کمه‌یمه‌گن صورتده، افغانستان برابریده بولگن آمریکا و دنیا جماعه‌چیلیگی نینگ یاردم‌لری کمه‌یب و افغانستان قیینچلیککه دوچ کیلیشی ممکن.
بیزلرنینگ فیسبوک صحیفه‌میزگه باش اورینگ!
جناب معنوی گه کوره، انسان قاچاقی نی آلدینی آلیش اوچون معلومات ترقه‌تیلیشی کیره‌ک، چونکه عایله‌لردن قطاری خبرسیزلیک‌لری باعث فرزندلرینی انسان قاچاقچی‌لریگه تاپشیره‌دیلر.
شونینگدیک جناب معنوی اوشبو خبری ییغینده ایتیشیچه، قطار کیشیلر دینی تعلیمات نامی آستیده باله‌لرنی جذب قیله‌دی، بیراق اولرگه ترورچیلیک تعلیمات بیره‌دی.
عدلیه وزیرلیگی نینگ کوپه‌یتیریشیچه، مکتبلر و امنیتی کوچلر صفیده باله‌لر آزار و اذیت بوله‌دی، بیراق اولردن بیللی رقم موجود ایمس.
نیچه پیت آلدین آمریکا تشقی ایشلر وزیرلیگی ییل‌لیک گزارشیده، کرونا ویروسی باعث دنیا ده انسان قاچاقی کوپه‌یگنی نی اعلام قیلدی. مذکور گزارش ده افغانستان انسان قاچاقی صورت تاپه‌دیگن مملکتلر آره‌سیده اینگ یمان موقعیت گه قرار تاپگن.
