انسان و مهاجرلر قاچاقیگه قرشی کورهش عالی کمیسیونی، اوشبو کمیسیون نینگ 1399- ییل جریانیده قیلگن فعالیتلرینی نشر قیلگن.
عدلیه وزیری فضلاحمد معنوی، انسان و مهاجرلر قاچاقیگه قرشی کورهش عالی کمیسیون باشلیغی ده قرار تاپگن. بوگون “سهشنبه” جناب معنوی نینگ بو کمیسیون ییللیک گزارشنی نشر قیلیش جریانیده ایتیشیچه، اوشبو کمیسیونده عضو بولگن امنیتی نهادلر انسان و مهاجرلر قاچاقی ترماغیدن 34 تهسینی تانیب و بوتوغریده 70 کیشینی قولگه آلگن.
جناب معنوی گه کوره، اوتگن قویاش ییلده انسان و مهاجرلر قاچاقی و بچه بازلیک شامل بولگن 235 قضیه مملکت محکمهلریده قید ایتیلگن و بو جملهدن 158 تهسی انسان قاچاقیگه تیگیشلی دیر.
انسان و مهاجرلر قاچاقیگه قرشی کورهش عالی کمیسیون باشلیغی نینگ ایتیشیچه، قاچاق آرقهلی ایرانگه بارگن افغانستان یشاوچیلریدن 75 کیشی جان بیرگن و باشقه 64 کیشی یرهلنگن دیر.
انسان و مهاجرلر قاچاقیگه قرشی کورهش عالی کمیسیونی تامانیدن بیریلگن آمارلرگه کوره، 1399- ییلده 806 مینگ افغانستانلیک مهاجر ایران و پاکستان دن افغانستانگه قیتیب کیلگنلر.
