بامیان ده بیرقطار دولت اداره‌لر خادم‌لری نینگ ایتیش‌لریچه، سبب‌سیز ایشدن بوشه‌تیلیب و اورین‌لریگه تجربه‌سیز کیشی‌لر تعین‌لنگن.
بامیان عدلیه ریاست ایشلاوچی‌لریدن مستعار ناملی محسن، سلام وطندارگه تصویری بیر فایل جونه‌تیب ایتیشیچه، قویاش ۱۳۹۷- ییلده ایرکین بیر رقابت ده اوشبو ریاست نینگ تورتینچی بست‌لریدن بیری ده کامیاب بولگن ایدی. بیراق مملکت بویلب سیاسی اوزگریش و اسلامی امارت قدرت نی قول‌گه آلگنده هم محسن ایشی‌گه دوام بیریش نیتیده ایدی.
اونینگ اورغولشیچه، ۱۵ کوندن بویان دلیل‌سیز روشده ۴- بست‌دن ۷- بست گچه ایش آلیب باره‌یاتکن تورت همکاری بیلن ایشدن بوشه‌تیلگن و اولرنینگ اورنی‌ده باشقه تجربه‌سیز کیشی‌لر تعیین ایتیلگن.
بامیان عدلیه ریاست انسجام آمری احمد علی رحیمی نینگ سلام وطندارگه ایتیشیچه، اوتگن ییل ایرکین بیر رقابت ده اوشبو آمریت گه کامیاب بولگن ایدی. جناب رحیمی‌گه کوره، اوتگن کونی مذکور ریاست نینگ انسجام آمریتی‌دن بوشه‌تیلیب و اورنی‌گه باشقه کیشی تانیشتیریلگن.
بامیان عدلیه ریاستی سابق انسجام آمری نینگ اورغولشیچه: «بامیان عدلیه ریاستی‌ده وظیفه‌لنتیریلگن آمر اوشبو اداره باشلیغی نینگ وطنداشی و قرینداش‌لری دیر، اولر سابق‌لرده اسلامی امارت عضوی یا صفیده وظیفه بجرمه‌گن.»
بیزلرنینگ فیسبوک صحیفه‌میزگه باش اورینگ!
عین حالده بامیان مدنی جماعه‌چیلیک فعاللریدن بیرقطاری نینگ ایتیش‌لریچه، بامیان ده بیرقطار دولت اداره‌لریده‌گی خادم‌لر ایشدن بوشه‌تیلماقده، اوشبو جریان آلدی آلینمه‌گن تقدیرده، بامیان یشاوچیلری اسلامی امارت گه قرشی ناراضی‌لیک بیلدیریشی ممکن.
بامیان ده مدنی نهادلرنی اویغونلشتیریش مسئولی عبدل دانشیارگه کوره، عدلیه، باش قاره‌لاوچیلیک، اقتصاد، طبیعی آفت‌لرنی باشقریش، معارف و باشقه بیرقطار ریاست‌لریده بیرقوم‌دن بولگن سابق حکومت ایشلاوچیلری نینگ ایشدن بوشه‌تیش جریانی دوامی بار، بو ایش مذکور ولایت یشاوچیلری نینگ خواطرینی کوپه‌یتیرگن.
لیکن بامیان عدلیه باشلیغی مولوی معاذ، کارمندلری برطرف ایتیلیشی نی تصدیقلب ایتیشیچه، اوشبو اداره نینگ بامیان مرکزی و تومن لریده ۵۵ ایشلاوچیسی بار، اولردن یریمی وظیفه‌لریدن بوشه‌تیلگن.
جناب معاذ نینگ اورغولشیچه: «بو ایش عدلیه وزیرلیگی نینگ ایشی، بیزنی ایشیمیز ایمس، حتی وزیرلیک نینگ آمریت لریده اوزگریش کیلگن، تیزیم اوزگریشی بیلن ایسته‌سک-ایستمه‌سک ایشلاوچیلر برطرف ایتیله‌دی، شونی اوچون خادم‌لریمیزدن یریمی نی ایشدن بوشتدیک.»
جناب معاذ نینگ ایشانچی گه کوره، تیزیم اوزگریشی بیلن ایشلاوچیلرنینگ ایشدن بوشه‌تیش و اوزگرتیریش بیر اصل دیر.
بامیان حاکمی نینگ سوزلاوچیسی عبدالصبور فرزان، اوشبو ولایتده دولت خادم‌لری بوشه‌تیلیشی باره‌سیده ایتیشیچه، وزیرلیک‌لر ولایت‌لرده‌گی ریاست‌لریده آمریت شامل اوچینچی بست ایشلاوچی‌لرینی چیتلنتیریب و اورین‌لریگه باشقه کیشی‌لرنی وظیفه‌لنتیریش گه بویروغ بیرگن.
جناب سیغانی گه کوره، تورتینچی بست‌دن ییتینچی بست ایشلاوچیلری برطرف ایتیلیشی خصوصیده حاضرگچه شکایت بولمه‌گن، عکس حالده اوشبو ولایت والیسی کارمندلرنینگ ایشدن بوشه‌تیش و اوزگرتیریش‌نی آلدینی آلیش که متعهد دیر.
