بامیان شهریده عیاللر تامانیدن مدیریت قیلینه‌دیگن هنری بازارچه، مذکور شهر طالبان قولیگه سقوط قیلمه‌گندن آلدین یخشی ایکن، بیراق اوتگن بیر هفته‌ده مذکور بازار نینگ فعالیتی کمه‌یگن.
بامیان‌لیک ایشلاوچی عیاللردن بیری گل‌بخت (مستعار آت) بیر ایشلاوچی عیال دیر که مذکور بازارچه‌ده بیر قول صنعت دوکانی بار و بو یولدن درآمد قولگه کیلتیره‌دی. اونینگ ایتیشیچه، بامیان شهری طالبان قولیگه سقوط قیلگنیدن کیین، مذکور شهرده وحشت حاکم بولگن و ایشلرنینگ ایسه اوتمیش جوش و خروشی قالمه‌گن.
اونگه کوره، ایشچی عیاللر تامانیدن مدیریت قیلینه‌دیگن قول صنعت دوکانلریدن حاضر کوپینچه‌سی قفل ایتیلگن و مذکور دوکانلر نینگ اونلرچه مالکی درآمدلرینی قولدن بیریشگن.
بیزلرنینگ فیسبوک صحیفه‌میزگه باش اورینگ!
گل بخت نینگ کوپه‌یتیریشیچه، طالبان جنگری‌لریدن برچه‌سی خیاطی سالن‌لرگه کیریب و عیاللرنینگ تیکیلگن کییم‌لری نی نابود قیلگن.
بامیان‌لیک ایش یره‌تووچی‌لریدن باشقه بیری فاطمه نینگ ایتیشیچه، حاضر حیات او و عایله‌سی اوچون قیین بولگن و اولر قورقو اوچون اوی‌لریدن چیقیب و ایرکین بیر شکلده سودا ساتیغ قیله آلمه‌یدیلر.
اونگه کوره، عیاللر نینگ قول صنعت‌لرینی ساته‌دیگن عیاللر انجمنی و هنر بازارچه‌سی باغلنگن. اوشبو ایکی ایش یره‌تووچی دنیا جماعه‌چیلیگی و عیاللردن حق‌لریدن مدافعه قیله‌دیگن نهادلردن بونده‌ی شرایط‌ده اولرنینگ یالغیز قویمه‌یش‌لرینی سوره‌گن.
بامیان یشاوچی‌لریدن باشقه بیری داوود احمدی نینگ ایتیشیچه، طالبان نینگ حاکمیتی‌دن کیین، دولتی اداره‌لر و بانک‌لرنی فعالیتی توخته‌گن و بامیان بازاریده هرکون آذیق-آوقات نینگ قیمتی یوقاری کیتماقده.
اونینگ کوپه‌یتیریشیچه، گرچند شهرده اهالی نینگ حضوری کوپه‌یگن، لیکن نابیللی کیله‌جک توغریسیده بولگن قورقوو و وحشت، یشاوچیلرنینگ روانلریگه منفی تاثیر قویگن.
داوود نینگ ایتیشیچه، مذکور ولایت‌ده فقر و ایش سیز‌لیک باعث سونگی کونلرده ییگیت‌لردن قطاری قوشنی مملکت‌لرگه مهاجر بولگن. بو گزارش گه بامیان ولایتیده طالبان حاکمی مولوی انس نینگ فکرینی آلیش ایسته‌دیک، بیراق کوپینچه سعی و حرکت بیلن موفق بولمه‌دیک.
