افغانستان اسلامی امارت امر معروف و نهی منکر وزیرلیگی نینگ مسئوللری بیر اعلامیه ترقهتیب دولت ادارهلری نینگ عیال خادملری یا شرعی حجاب کییشهدی یا ده ایشدن چیتلهتیلیشینی توصیه قیلگنلر.
امر معروف و نهی منکر وزیرلیگی نینگ سوزلاوچیسی صادق عاکف مهاجر اوتگن کونی (دوشنبه، ۲ حوت) خبرنگارلرگه بیر اعلامیه جونهتیب و بو موضوعنی توصیه ایتگن دیر.
بیزلرنینگ فیسبوک صحیفهمیزگه باش اورینگ!
اسلامی امارت امر به معروف و نهی منکر وزیرلیگی تامانیدن ترقهتیلگن بو اعلامیه گه کوره توصیه نامه عدلیه، انرژی و سوو و قیشلاقلرنی رواجلنتیریش وزیرلیکلری نینگ ملکی خدمتلر ایشلاوچیلریگه جونهتیلگن. بو توصیه اساسیده دولت نینگ برچه اداره لریدهگی عیاللر شرعی حجاب کیمهگن حالده ایشلریدن چیتلهتیلهدی.
امر به معروف و نهی از منکر وزیرلیگی نینگ سوزلاوچیسی دولت اداره لریدهگی برچه ایرککلر ساقال قوییب و نمازلرینی جماعتده اوقیشلرینی بیلدیریب شونینگدیک ایرکک و عیال ایش ییرلری ایریلیشینی هم بیلدیرگن دیر.
توصیهنامه اساسیده یاشی کیچیک و ساقالی بولمهگن شخصلر دولت اداره لریده بستلرنی آلیش حققیگه ایگه ایمس و حجابی بولمهگن عیال اداره لرگه کیریشی ممنوع ایتیلگن.
امر به معروف و نهی از منکر وزیرلیگی بوندن آلدین هم عیاللرگه ایریم چیکلاولر قوییب اولرنی اسلامی حجابنی رعایت قیلیشگه توصیه قیلیب و شهردهگی موتر هیداووچیلریگه حجابنی مراعات ایتمهگن عیاللرنی موترگه آلمسللیکلرینی بویورگندی. بو وزیرلیک نینگ سوزلاوچیسی ایریم رسانه لرگه چادر یا برقع و عربی حجابنی عیاللرگه حجاب صفتیده تانیگندی.