بیرلشگن ملت‌لر تشکیلاتی نینگ خوفسیزلیک کینگشی، جمعه کونی، ۸-جدی، افغانستان وضعیتی گه دایر قطع‌نامه نی تصدیقلش بیلن اوشبو تشکیلات نینگ باش کاتبی دن خوفسیزلیک کینگشی مصلحتی بیلن، افغانستان وضعیتی خصوصیده اسلام امیرلیگی رسمی‌لری، انسان حقلری فعاللری و افغانستان همده منطقه ده‌گی تاثیرلی اولکه‌لر بیلن مذاکره قیلیش اوچون، نماینده تعیینلشینی سوره‌گن.
بو نماینده نینگ وظیفه‌سی، نیچه کون آلدین افغانستان وضعیتی گه دایر بیرلشگن ملت‌لر تشکیلاتی نینگ باش کاتبی تامانیدن پایله‌شیلگن اوشبو تشکیلات مخصوص نماینده‌سی نینگ گزارشی ده‌گی یوتوق‌لر نی عملگه آشیریش دیر.
بیرلشگن ملت‌لر تشکیلاتی خوفسیزلیک کینگشی نینگ بو قطع‌نامه‌سی، افغانستان نینگ سیاسی-خوفسیزلیک سیمالریدن بیرقطاری نینگ مناسبتی بیلن روپه‌ره بولگن.
بیزلرنینگ فیسبوک صحیفه‌میزگه باش اورینگ!
افغانستان ملی خوفسیزلیک سابق باشلیغی رحمت‌الله نبیل، ایکس اجتماعی ترماغی ده یازیشیچه، بو قطع‌نامه؛ جهان نینگ افغانستان وضعیتی گه دایر بیرگن وعده‌لرینی عمل گه آشیریش و مملکت مسئله‌لرینی حل قیلیش دن درک بیره‌دی.
نبیل جنابلری نینگ یازیشیچه: «بو قطع‌نامه افغانستان یشاوچیلری نینگ اشتراک ایتیش نیازلرینی بیان قیله‌دی، بیراق کفالتی اوچون انیق میکانیزم‌لری نامعلوم دیر. بو ایش افغانستان اهالیسی نینگ ناراضی‌لیگی و اوتمیش تجربه‌لر گه بناً، خلق‌ارا همجمعیت گه ایشانچ‌لری کمه‌یشی گه سبب بولیشی ممکن.»
برچه‌سی بیلن، ایش بیلرمان‌لردن بیرقطاری، افغانستان وضعیتی گه دایر بیرلشگن ملت‌لر تشکیلاتی خوفسیزلیک کینگشی نینگ قطع‌نامه‌سی گه مناسبت بیلدیریب ایتیشلریچه، افغانستان ده‌گی معمالر حلی اوچون دنیا همجمعیت اسلام امیرلیگی بیلن مذاکره قیلیب و افغانستان فقرالری تقدیرلرینی تعیینلش اوچون اولر نینگ ایستک‌لری برچه تامانلمه عملگه آشیریلیشی کیره‌ک.
سیاسی ایش بیلرمان محمود اضطرابی نینگ سلام‌وطندار گه ایتیشیچه: «دنیا همجمعیت برچه تامان‌لر اینیقسه اسلام امیرلیگی بیلن مستقیم و یوزمه-یوز مذاکره قیلمسه، افغانستان وضعیتی حلی اوچون بو قطع‌نامه ده ذکر بولگن موردلر عملگه آشمسلیککه ایشانه‌من.»
بیزلرنینگ «ایکس» ترماغی ده هم تعقیب قیلینگ!
بیرلشگن ملت‌لر تشکیلاتی خوفسیزلیک کینگشی نینگ قطع‌نامه‌سی اساسیده، مذکور تشکیلات تامانیدن افغانستان اوچون نماینده تعیینلنیشی کوتیله‌دی، بو نماینده جهانی طلب‌لر و افغانستان اوچون بیرلشگن ملت‌لر تشکیلاتی نینگ اویغون‌لنتیرووچی نماینده‌سی فریدون سینیرلی اوغلو نینگ تیکشیرو معلومات‌لرینی عملگه آشیریش مقصدیده تلاش قیله‌دی.
بیرلشگن ملت‌لر تشکیلاتی اویغولنتیرووچی نماینده‌سی نینگ تیکشیرو معلوماتی ده، دنیا همجمعیت ده افغانستان نینگ قیته قوشیلیشی گه زمینه یره‌تیش، اسلام امیرلیگی تامانیدن عیاللر حقوقی کبی جهانی قاعده‌لر رعایت ایتیلیشی اوستیگه تاکید ایتیلگن.
سیاسی ایش بیلرمان‌لردن باشقه بیری عبدالجبار اکبری گه کوره، اسلام امیرلیگی تامانیدن عیاللر نینگ حقوقی رعایت ایتیلگن حالده، بو کبی جهانی تلاش‌لر نتیجه بیریشی ممکن.
او نینگ کوپه‌یتیریشیچه: «اسلام امیرلیگی، جهانی تعهدلر و نورم‌لرنی قبول قیلمه‌ی و جهانی قاعده‌لرنی رعایت قیلمه‌گن تقدیرده، افغانستان تنزل گه یوز توتیشینی نیچه مرته ایتگن من، چونکه افغانستان دنیا همجمعیت نینگ اعضاسی دیر و دنیا قاعده‌لرینی رعایت قیلمسلیک، مملکت نی کوپراق اقتصادی و سیاسی تنزل گه روپه‌ره قیله‌دی.»
بوندن آلدین، اسلام امیرلیگی تشقی ایشلر وزیرلیگی سرپرستی امیرخان متقی، ۱۹ دسمبر ده افغانستان اوچون بریتانیا ایلچی‌لیگی نینگ شارژدافیری رابرت چاترتن دکسن بیلن اوچره‌شووده، افغانستان اوچون مخصوص نماینده تعیینلنیش قراری گه قرشی‌لیک کورستگن ایدی.
