اسلام امیرلیگی سوزلاوچیسی ذبیح‌الله مجاهد، بوگون (شنبه، ۲۴ جدی) بیر تویت آرقه‌لی بیرلشگن ملتلر تشکیلاتی نینگ خوفسیزلیک کینگش ییغینی گه قرشی، اسلام امیرلیگی مذکور کینگش خواطرلری نی درک قیله‌دی دیگن.
جناب مجاهد نینگ کوپه‌یتیریشیچه، اسلام امیرلیگی برچه ایشلر نی «اسلام شریعتی اساسیده» تنظیم قیلیش اوچون سعی و حرکت قیله‌دی.
بیزلرنینگ توییترده هم تعقیب قیلینگ!
اونینگ یازیشیچه: «بیرلشگن ملتلر تشکیلاتی نینگ کینگش ییغینی حقیده ایتیش کیره‌ک که، ا.ا.ا اولر نینگ خواطرلری نی درک قیله‌دی؛ بیراق اسلام امیرلیگی بوتون ایشلر نی اسلام شریعتی اساسیده تنظیم قیلیش اوچون سعی و حرکت قیله‌دی. چونکه دین و اهالی برابریده‌گی مسئولیتی خصوصیده مملکت‌ده شرعی بولمه‌گن اقدام‌لر گه رخصت بیره آلمه‌یدی.»
اسلام امیرلیگی سوزلاوچیسی نینگ اورغولشیچه، دنیا تشکیلات‌لری و مملکت‌لر انسانی یاردم‌لر نی سیاسی مسئله‌لر گه ارتباط بیرمه‌یشلری کیره‌ک.
ذبیح‌الله مجاهد نینگ ایتیشیچه: «دنیا تشکیلات‌لری و مملکت‌لری، مملکتی‌میز نینگ حالتی و ملتی‌میز نینگ دینی ایسته‌کلری نی درک قیلیش‌لری کیره‌ک و بشری موضوع‌لر و شونینگدیک انسانی یاردم‌لر نی سیاسی مسئله‌لر گه ربط بیرمه‌یشیلری کیره‌ک.»
اونگه کوره، اسلام امیرلیگی دین قاعده‌سی و مملکت ارزشی‌لری بیلن ماس بولگن صورت‌ده برچه بولیم‌لرده همکارلیک قیلیش گه تیار دیر.
بیزلرنینگ فیسبوک صحیفه‌میزگه باش اورینگ!
عین حالده، بیرلشگن ملتلر تشکیلاتی خوفسیزلیک کینگش نینگ ۱۱ عضوی قوشمه بیر بیانیه‌ده، «افغانستان ده عیاللر و قیزلر نینگ یامان» وضعیتی حقیده خواطر بیلدیریب و اسلام امیر‌لیگی‌دن افغان قیزلر و عیاللر خصوصیده‌گی برچه اقدام‌لر نی لغو قیلیشی نی ایسته‌گن.
بیرلشگن ملتلر تشکیلاتی خوفسیزلیک کینگش اعضالری، اسلام امیرلیگی تامانیدن عیاللر و قیزلر گه قرشی یره‌تیلن اقدام‌لر نی «ظالمانه» دیگن. مذکور قوشمه بیانیه جمعه کونی ۲۳-جدی، آلبانی، برازیل، اکوادور، فرانسه،گابن، جاپان، مالت، سوئیس، عربی بیرلشمه امیر‌لیک‌لری، بریتانیه و امریکا تامانیدن امضا و ترقه‌تیلگن.
