اسلام امیرلیگی تامانیدن مملکت بویلب بیلیم یورتلر، طلبه قیزلر یوزیگه یاپیلیشی گه دایر مناسبتلر دوامیده، ایران تشقی ایشلر وزیرلیگی نینگ سوزلاوچیسی ناصر کنعانی، اوتگن کون اوشبو قرار گه مناسبت بیلدیریب ایران مذکور قرار دن متأسفلیگینی معلوم قیلگن.
ایران تشقی ایشلر وزیرلیگی سوزلاوچیسی، اسلام امیرلیگی تیزلیک بیلن چیکلاولرنی کوتاریب و افغانستان نینگ آبادانچیلیگی و ترقیاتی اوچون طلبه قیزلر گه تعلیم شرایطی یرهتیلیشینی اورغولهگن.
بیزلرنینگ فیسبوک صحیفهمیزگه باش اورینگ!
باشقه تاماندن، عالی اوقوو وزیرلیگی نینگ سرپرستی ندامحمد ندیم، پنجشنبه کیچه، ۱ جدی، ملی رادیو تلویزیون بیلن اوتکزگن صحبتیده، قیزلر نینگ تعلیمی توختهتیلیشی خصوصیده ایتیشیچه، قیزلر اوچون بعضی فاکولتهلر «افغانی عزت» و «اسلام قاعدهلری» گه قرشی ایدی.
عالی اوقوو وزیرلیگی سرپرستی نینگ کوپهیتیریشیچه، عالی تحصیلات ساحهسیده اسلام امیرلیگی نینگ ایشلری، اسلام امیرلیگی برنامهلری اساسیده عملی بولمهگن. ندامحمد ندیم گه کوره، بیلیم یورتلر قیزلر یوزی گه تورت سبب اوچون یاپیلگن.
جناب ندیم نینگ تأکیدلشیچه: «عیاللر گه عاید یاتاقخانهلر، اولر بیر ولایتدن باشقه ولایت گه محرمسیز باریشی، طلبهلر تامانیدن حجاب رعایت ایتیلمسلیگی، ییگیت و قیز طلبهلر نینگ بیرجایدهلیگی، طلبه قیزلر نینگ تعلیمی توختهتیلیش سببلریدن دیر.»
عینحالده عالی اوقوو وزیرلیگی، طلبه قیزلر نینگ تعلیمینی «کیینگی امرگچه» توختهتگن. مذکور وزیرلیک سهشنبه کونی، ۲۹ قوس، بیر مکتوب آرقهلی دولتی و خصوصی برچه بیلیم یورتلر گه، طلبه قیزلر نینگ اوقیشینی «تعطیل« قیلیش بویروغینی بیرگن.
بیزلرنینگ توییترده هم تعقیب قیلینگ!
طلبه قیزلر نینگ تعلیمی توختهتیلیش قراری، ملی و خلقارا مناسبتلر و قرشیلیکلر گه روپهره بولگن.
اسلامی قطار مملکتلر جمله دن سعودی عربستان، اندونیزیا و پاکستان باشقه برچه اولکهلر و خلقارا نهادلر گه قوشیمچه، اسلام امیرلیگی نینگ اوشبو قرارینی قارهلشگن.