ایران سپاه پاسداراننینگ اعلام قیلیشیچه، بحرین ده امریکانینگ نیچه پایگاهسینی نشانگه آلیب و اولرنی اورتهدن کیتگزگن.
سپاهنینگ بوگون بیر بیانیه آرقهلی یازیشیچه، اوشبو هجوملر بوگون ایرتهلب (۲۴-سرطان، چهارشنبه)، ایران برابریده امریکانینگ هجوملریگه جواب، عملگه آشیریلگن.
سپاه پاسداراننینگ کوپهیتیریشیچه، مذکور هجوملرده امریکا حربی-دینگیز کوچلرینینگ بیشینچی بولیمی پایگاهسیدهگی نظارت و قومندانلیک مرکزی، دینگیز بوییچه حمایتی باشقریش مرکزی، یاقیلغی ذخیرهلری و انباری اورتهدن کیتگزیلگن.
ایران و امریکا آرهسیدهگی توقنشوولر سونگی کونلر ینگی باسقیچیگه کیرگن. بوندن آلدین امریکا قوشمه ایالتلرینینگ مرکزی قوماندانلیگی (سنتکام)، ایراننینگ ساحلی منطقهلری همده هرمز بوغوزی یقینیدهگی اونلب حربی نشانگه هجوم اویوشتیریلگنینی معلوم قیلدی.
