امریکا قوشمه ایالتلرینینگ مرکزی قوماندانلیگی (سنتکام)، ایران گه قرشی هجوملرینینگ ینگی تولقینی یکونلنگنینی معلوم قیلگن.
مذکور نهادنینگ بوگون (۲۴-سرطان/ ۱۵-جولای، چهارشنبه)، بیر بیانیه آرقهلی اکس صحیفهسیده یازیشیچه، ایران گه قرشی ینگی عملیاتی ییتی ساعت دوام قیلیب و بو عملیاتده اوشبو مملکت ساحلی منطقهلری همده هرمز بوغوزی یقینیدهگی اونلب حربی نشانگه هجوم اویوشتیریلگن.
سنتکام گه کوره، امریکا حربی-دینگیز کوچلرینینگ اوچاقلری، پهپادلری و حربی کیمهلری ایراننینگ راکته و پهپاد سایتلری، دینگیز امکانیتلری همده قیرغاق مدافعه تیزیملریگه قرشی یوقاری انیقلیکدهگی باشقریلهدیگن قوراللرنی قولهگن.
امریکا قوشمه ایالتلری مرکزی قوماندانلیگینینگ اورغولشیچه، ایران برابریده گی ینگی هجوملر اوشبو مملکتنینگ تجاری کیمهلریگه تهدید سالیش امکانیتلرینی ینهده کمهیتیریش مقصد، عملگه آشیریلگن.
ایران و امریکا آرهسیدهگی کیسکینلیکلر سونگی کونلر کوپهیب و بو مدتده ایکی تامان بیر-بیریگه قرشی راکته و پهپادی هجوملرنی اویوشتیرگن. امریکا، اوتگن کونی ایراننینگ دینگیز بوییچه محاصرهسینینگ قیته باشلهگنی و شونینگدیک ایران هم بو مملکت بیلن امریکا آرهسیدهگی کیلیشوو اصلی اساسلرینینگ اورتهدن کیتگنینی معلوم قیلگن.
