ایران سپاه پاسداراننینگ اعلام قیلیشیچه، اویوشتیرگن راکته هجومیده امریکانینگ اف-۳۵، اف-۱۶ و اف-۱۵ حربی اوچاقلری همده بو مملکتنینگ حربی قوریلمهلریدن قطارینی نشانگه آلیب و اولرگه آغیر زیانلرنی ییتیشتیرگن.
سپاه پاسداران، بیر بیانیه آرقهلی بوگون ایرتهلب (۲۱-جوزا/۱۱-جون، پنجشنبه)، ۱۲ ته بالستیک راکته آتیش بیلن «الازرق» نظارت مرکزی همده هوا پایگاهلریده امریکا اردوسی مهم قوریلمهلری و حربی اوچاقلری جایلشگن حدودنینگ نشانگه آلگنینی معلوم قیلگن.
بیانیهده کیلیشیچه، اوشبو هجوم نتیجهسیده امریکانینگ حربی اوچاقلری بیلن جهازلریدن کوپینچهسی یوق قیلینگن.
شونینگدیک سپاه پاسداراننینگ اورغولشیچه، امریکا پایگاهلری و کوچلریگه قرشی هجوملر «دشمننینگ فتنهلری» دوام قیلگنی پیتگچه توختمهیدی.
ایران و امریکا آرهسیدهگی توقنشوولرنینگ ینگی تولقینی بوگون ایرتهلب و ایران توپراغیدهگی مقصدلرگه امریکانینگ هجومیدن کیین باشلنگن. اوشبو هجوملر عاقبتیده، ایکی تامان قرشی حربی عملیات اویوشتیریلیشیدن خبر بیریب و توقنشوولر کوچهیشی حقیده خواطرلر هم کوپهیگن.
