امریکا قوشمه ایالتلرینینگ مرکزی قوماندانلیگی (سنتکام)، ایران گه قرشی بو مملکت هجوملرینینگ ینگی تولقینی یکونلنگنینی معلوم قیلگن.
اوشبو نهادنینگ بوگون (۲۳-سرطان/۱۴-جولای، سهشنبه)، بیر بیانیه آرقهلی اکس صحیفهسیده یازیشیچه، ایران گه قرشی بو مملکتنینگ سونگی عملیاتی بیش ساعت دوام قیلیب و اونده، مذکور مملکتدهگی حربی نشانلر جملهدن بوشهر، چابهار، جاسک، کنارک، ابوموسا و بندر عباس نشانگه آلینگن.
سنتکامگه کوره، امریکا کوچلری انیق یونهلتیریلهدیگن قورال-یراغلر، قیرغاق مدافعه تیزیملری، راکته همده پهپادی پایگاهلری و ایراننینگ دینگیز امکانیتلرینی نشانگه آلگن دیر.
ایران و امریکا آرهسیدهگی توقنشوولرنینگ ینگی باسقیچی، هرمز بوغوزیده تجاری اوچ ته کیمه نشانگه آلینگنی همده ایران جنوبی قیرغاقلریگه امریکا هجومیدن کیین باشلهنیب و اوتگن نیچه کوندن بویان دوام قیلماقده.
