اسرائیل ییتکرمه‌لری، ایران آرقه‌لی اویوشتیریلگن راکته هجوم‌لری‌نینگ ینگی باسقیچی‌ده، یرهلنگنلر سانی آشگنی‌دن خبر بیرگنلر.
الجزیره، بوگون (۲۹-جوزا، پنجشنبه)، اسرائیل ییتکرمه‌لری‌دن نقل قیلیب گزارش بیریشیچه، ایران‌نینگ اویوشتیرگن راکته هجوملری نتیجه‌سیده، حاضرگچه ۱۳۷ کیشی یره‌لنیب و دوالنیش مرکزلری‌گه انتقال بیریلگن.
بیزلرنینگ «ایکس» ترماغی ده هم تعقیب قیلینگ!
بو هجوملر ایکی مملکت آره‌سیده‌گی مستقیم حربی توقنشوولرنینگ ییتینچی کونی‌ده عمل‌گه آشیریلیب و اسرائیل رسمی‌لری‌گه کوره، ایران نیچه راکته و پهپاد بیلن اسرائیل مرکزی و جنوبی‌‌نینگ بیر قطار بولیم‌لری‌‌نی نشانگه آلگن.
بو اوزگریشلر بیلن بیرگه، اسرائیل اردوسی هم ایران‌نینگ هسته‌ای قوریلمه‌لری‌نی هوا هجوملری بیلن نشانگه آلگن. تهران اونگه جواب اوله‌راق، اسرائیل توپراغی‌گه ینگی هجوم‌لری‌نی اویوشتیرگن.
بیزلرنینگ فیسبوک صحیفه‌میزگه باش اورینگ!
سونگی اوزگریشلر خلق‌ارا عکس‌العمل‌لر بیلن روپه‌ره بولیب و بیرلشگن ملتلر تشکیلاتی همده تورلی مملکت‌لر، تیزلیککه هجوملر‌‌نینگ توخته‌تیلیشی‌نی ایسته‌گنلر.
بیرلشگن ملتلر تشکیلاتی باش‌کاتبی آنتونیو گوترش هم، بوگون ینه بیر مرته مذکور توقنشوولرنینگ خلق‌ارا بولیشی‌گه نسبت آگاه‌لنتیریب و عاجل آتیش کیسین بولیشی‌نی سوره‌گن.
