امریکا و پاکستان رسمیلری، واشینگتن و تهران آرهسیده توقنشوولرگه چیک قوییش بوییچه کیلیشووگه یقینلشگنینی معلوم قیلگن، بیراق ایران اوشبو کیلیشوو یکشنبه کونی امضالنمسلیگینی بیلدیرگن.
رویترز آژانسینینگ بوگون (۲۴-جوزا/۱۴-جون، یکشنبه)، گزارش بیریشیچه، امریکا جمهور باشلیغی دونالد ترامپ و پاکستان باشوزیری شهباز شریف، امریکا و ایراننینگ تینچلیک کیلیشووی اساسیگه ایریشگنینی بیلدیرگن. مذکور کیلیشوو ایکی دولت آرهسیده توقنشوولر و کیسکینلیکلرنی یکونلش اوچون امکانیت یرهتیشی ممکن.
ترامپ، اوز اجتماعی ترماغیده یازیشیچه، اوشبو کیلیشوونینگ یکشنبه کونی امضالنیشی ممکن. شونینگدیک شهباز شریفگه کوره، ایکی تامان کیلیشوو اساسلریگه کیلیشگنلر و اونینگ الکترونیکی امضاسی ایش بویروغیگه قرار تاپگن.
شوندهی بیرحالده، تهران مذکور مدتنی تصدیق قیلمهگن. ایران تشقی ایشلر وزیرلیگی سوزلاوچیسی اسماعیل بقائینینگ ایتیشیچه، کیلیشوو یکشنبه کونی امضالنمهیدی، لیکن کیلهسی کونلرده یکونلنیشی ممکن.
