پاکستان باشوزیریگه کوره، اسلامآبادنینگ واسطهچیلیک سعیوحرکتلری نتیجهسیده، امریکا و ایران آرهسیدهگی تینچلیک کیلیشووینینگ سونگی متنی یکونلهنیب و اوشبو کیلیشوو عملگه آشیریلیش عرفهسیده قرار تاپگن.
پاکستان باشوزیری شهباز شریف، اکس صحیفهسیده یازیشیچه، مملکتی امریکا و ایران اورتهسیدهگی واسطهچیلیک جریانیده، تینچلیک بوییچه یکونی و کیلیشیلگن متنگه ایریشیشنی آسانلشتیریشگه موفق بولگن.
اونینگ کوپهیتیریشیچه، پاکستان حاضر مذکور کیلیشوونینگ کیینگی باسقیچلری یکونلنیشی مقصد، ایکی تامان بیلن یقین شکلده ایشلماقده.
شهباز شریفنینگ اورغولشیچه، تامانلردن قطاری آرقهلی اوشبو جریاننی بوزیش اوچون «کینگ کولملی ناتوغری معلوماتلر ترقهلیش کمپاینی» گه قرهمهی، مذاکرهلر نتیجه بیرگن.
پاکستان باشوزیری، «تینچلیک هیچ قچان بو درجهگه یقین بولمهگن» دیب قوشیمچه قیلگن.
ایران بیلن امریکا و اسرائیلنینگ توقنشوولریدن کیین، پاکستان واسطهچی صفتیده ایکی تامان آرهسیده مذاکره جریانینی قولیلشتیریش مقصد سعیوحرکت قیلگن.
