ایران تشقی ایشلر وزیرلیگی بیر بیانیه ترقه‌تیب، اوشبو مملکت تشقی ایشلر وزیری امیر عبداللهیان پاکستان وقتینچه‌لیک حکومتی تشقی ایشلر وزیری جلیل عباس جیلانی بیلن تیلیفونی سوزلشیب و ایکی تامان مملکت‌لری آره‌سیده‌گی مناسبت‌لر مستحکم‌لنیشی و حاکمیت‌لری گه حرمت قیلیش اوستیگه تاکیدلگنلرینی معلوم قیلگن.
ایران تشقی ایشلر وزیرلیگی گه کوره، اوشبو اوچره‌شووده جلیل عباس جیلانی ایران تشقی ایشلر وزیری دن پاکستان گه سفر قیلیشینی تکلیف قیلگن.
ایتیش کیره‌ک، سونگی کون‌لرده ایران نینگ پاکستان، عراق و سوریه گه راکته‌لری بیلن منطقه ده کیسکین‌لیکلر اوج آلگن. بو مملکت اوتگن هفته ۲۵-جدی، دوشنبه و ۲۶-جدی، سه‌شنبه کون‌لری بو اوچ مملکت نینگ ایریم حدودلری گه پهپادی هجوم اویوشتیردی.
بیزلرنینگ فیسبوک صحیفه‌میزگه باش اورینگ!
ایران نینگ بو حربی هجوم‌لری پاکستان و عراق حکومت‌لری نینگ مناسبت‌لری گه روپه‌ره بولگن. ایران عراق نینگ اربیل شهری ده موساد مرکزی نشانگه آلینگنینی ادعا قیلسه ده لیکن عراق تهران دن ایلچیسینی چقیریب و بغداد ده ایران ایلچی‌لیگی کاردارینی هم چقیرگن.
عراق حکومتی، اربیل ده اسرائیل نینگ جاسوسی مرکزی بارلیگی گه دایر ایران نینگ ادعالرینی رد قیلیب ایتیشیچه، ایران تینچ اهالینی نشانگه آلگن و بوتوغریده بیرلشگن ملتلر تشکیلاتی خوفسیزلیک کینگشی گه هم شکایت قیلگن.
باشقه تاماندن، پاکستان تشقی ایشلر وزیرلیگی سه‌شنبه کونی بو مملکت نینگ بلوچستان ایالتی حدودلری گه قره‌شلی پنجگور منطقه‌سیده ایران نینگ راکته هجومی باعث، اسلام‌آباد ده ایران ایلچی‌لیگی کاردارینی چقیریب و ایران نینگ بو حرکتی عاقبت‌لریدن آگاه‌لنتیرگن.
بیزلرنینگ «ایکس» ترماغی ده هم تعقیب قیلینگ!
شونینگدیک، پاکستان تشقی ایشلر وزیرلیگی، بو مملکت کوچلری ایران نینگ سیستان و بلوچستان ولایتی گه هوایی هجوم قیلگنیدن خبر بیرگن.
بو وزیرلیک ترقه‌تگن بیانیه‌سیده، (پنج‌شنبه، ۲۸-جدی)، ایرته‌لب پاکستان حربی کوچلری «سرمچار» گروهی نینگ قرارگاهی‌نی نشانگه آلیب و بیر قطار عصیانچی گروه‌لر اولدیریلگنینی معلوم قیلگن.
عین‌حالده، سونگی ایکی ییل ده دنیا اینیقسه منطقه و اورته شرق ده‌گی کیسکین‌لیکلر نی کمه‌یتیریش اوچون بیرلشگن ملتلر تشکیلاتی خوفسیزلیک کینگشی نینگ سعی‌وحرکت‌لری نتیجه بیرمه‌گن.
