ناروی قاچقینلر کینگشینینگ اعلام قیلیشیچه، ایران بویلب سونگی بمباردمانلر عاقبتیده، افغانستانلیک بالهلر روحی ضرر کوریب و شونینگدیک اولرنینگ عایلهلری هم کوپینچه اقتصادی قیینچیلیکلر بیلن روپهره بولگن.
ناروی قاچقینلر کینگشی باشکاتبی یان اگلند، ۱۰-جوزا، یکشنبه کیچ قورون اکس صحیفهسیده، ایران ده تورت میلیوندن آرتیق افغانستانلیکنینگ حیات کیچیریشی همده اولرنینگ کوپینچه حمایت و یاردمگه نیازلری بارلیگینی یازگن.
اونینگ کوپهیتیریشیچه، ایران دهگی افغانستانلیک عایلهلردن قطاری اوروش طفیلی اقتصادی انقراض عاقبتیده، بار آز درآمدلرینی هم قولدن بیرگنلر.
اگلند پیامینینگ بیر بولیمیده یازیشیچه: «ناروی قاچقینلر کینگشی اوز همکارلری بیلن بیرگهلیکده افغانستانلیک قاچقینلر اوچون باشقرهیاتگن اجتماعی مرکزلریده، بالهلر دستلبکی تعلیملرنی آلیشگه علاوه، روحی حمایت همده روحی ضررلرگه تیگیشلی مراقبتلر خذمتلریدن فایدهلنهدیلر.»
ناروی قاچقینلر کینگشی باشکاتبیگه کوره، افغانستانلیک و ایرانلیک بالهلر ایران ده یوز بیرگن سونگی بمباردمانلر نتیجهسیده روحی ضررلر بیلن روپهره بولیب و کوپینچه قوللب-قوتلشگه نیازلری بار.
افغانستاننینگ میلیونلب یشاوچیسی اوتگن دههلرده تورلی سبب جملهدن اوروش، تینچسیزلیک و اقتصادی قیینچیلیکلر سبب، ایران گه مهاجرت قیلگنلر.
ایران گه امریکا و اسرائیلنینگ اویوشتیرگن هجوملری جریانیده، افغانستان یشاوچیلریدن قطاری هم اولیب و یرهلنگن.
