امریکا قوشمه ایالتلرینینگ مرکزی قوماندانلیگی (سنتکام) ایران ایریم حدودلریده ینگی هجوم اویوشتیرگنیدن خبر بیردی.
سنتکام، بوگون (۱۸ سرطان/۹ جولای، پنجشنبه) ایکس اجتماعی ترماغیده بیر بیانیه ترقهتیب، ایران گه قرشی ینگی هجوملر بو مملکتنینگ هرمز بوغوزیده تجاری کیمهلر گه تهدیدلرینی ضعیفلشتیریش مقصدیده اویوشتیریلگنینی معلوم قیلگن.
شو بیلن بیرگه، ایران فارس آژانسی هم، بندر عباس شرقی حدودلریده ۸ پارتلش تاووشی ایشیتیلگنیدن خبر بیرگن. ایکی پارتلش بوموسی جزیرهسی، ایکی پارتلش هم سیریک جزیرهسی و جاسکده ایکی پارتلش ایشیتیلگن.
اوتگن کون امریکا، هرمز بوغوزیده ایران تامانیدن سودا کیمهلریگه ضربه بیریلیشیگه جواباً بو مملکت جنوبی حدودلریده ۸۰ دن آرتیق مرکز گه هجوم اویوشتیرگنینی ایتگن ایدی و ایران اسلام انقلابی قوروقچیلری هم، امریکانینگ بحرین و کویتده ۸۵ ته حربی پایگاهلریگه ضربه بیرگنیدن خبر بیرگندی.
