اسلام امیرلیگی تامانیدن بیلیم یورتلر ایشیگی طلبه قیزلر یوزیگه یاپیلیشی گه قرشی مناسبتلر دوامیده، مملکت نینگ قطار بیلیم یورتی اوقیتووچیلریدن بیرقطاری استعفا گه چیققنلر.
محمدعمر قندوزی، زکریا شنیزی، عبیدالله وردک، ولیالحق ولی، ظاهرشاه صفاری، جاوید مومند و باشقه بیر قطار اوقیتووچیلر، استعفا گه چیققن استادلردن عبارت دیر.
بیزلرنینگ فیسبوک صحیفهمیزگه باش اورینگ!
کابل بیلیم یورتی اوقیتووچیلریدن جاوید مومند، طلبه قیزلر نینگ تعلیمی توختهتیلیشی گه دایر اسلام امیرلیگی نینگ قراری گه مناسبت بیلدیریب، بوگون «شمشاد» خصوصی تلویزیونی نینگ سیاسی برنامهلریدن بیریده استعفا گه چیققنینی اعلام قیلگن.
عینحالده عالی اوقوو وزیرلیگی، طلبه قیزلر نینگ اوقیشینی «کیینگی امرگچه» توختهتگن. مذکور وزیرلیک اوتگن کون بیر مکتوب آرقهلی دولتی و خصوصی برچه بیلیم یورتلر گه، طلبه قیزلر نینگ اوقیشینی «تعطیل« قیلیش بویروغینی بیرگن.
بیزلرنینگ توییترده هم تعقیب قیلینگ!
طلبه قیزلر نینگ تعلیمی توختهتیلیش قراری، ملی و خلقارا کینگ کولملی مناسبتلر بیلن روپهره بولگن.