اسلام امیرلیگی تامانیدن مملکت بویلب بیلیم یورت‌لر، طلبه قیزلر یوزیگه یاپیلیشی گه دایر مناسبت‌لر دوامیده، افغانستان سابق دولتی ملی یره‌ش عالی کینگش باشلیغی عبدالله عبدالله، بوگون (چهارشنبه، ۳۰ قوس) اوز فیسبوک صحیفه‌سیده، تعلیم یشاوچیلر نینگ اساسی حقی دیر و قیزلر نینگ تعلیم دن محروم قیلیش «افسوس‌لنرلی» دیب یازگن.
جناب عبدالله نینگ یازیشیچه: «اولکه بوتون یشاوچیلری تعلیم و تحصیلی اداره‌لر ایشیگی قیزلر یوزی گه آچیلیشینی کوتماقده، مین هم افغانستان فقراسی اوله‌راق مکتب‌لر و بیلیم یورت‌لر ایشیگی یاپیلیش قراری قیته کوریلیب چیقیشینی ایسته‌یمن.»
بیزلرنینگ فیسبوک صحیفه‌میزگه باش اورینگ!
عین‌حالده عالی اوقوو وزیرلیگی، طلبه قیزلر نینگ اوقیشینی «کیینگی امرگچه» توخته‌تگن. مذکور وزیرلیک اوتگن کون بیر مکتوب صادر قیلیب دولتی و خصوصی برچه بیلیم یورت‌لر گه، طلبه قیزلر نینگ اوقیشینی «تعطیل« قیلیش بویروغینی بیرگن.
اوشبو مکتوب ده یازیلیشیچه، طلبه قیزلر نینگ اوقیشی توخته‌تیلیش قراری، اسلام امیرلیگی حکومتی کابینه‌سی قراری گه بناً آلینگن.
بیزلرنینگ توییترده هم تعقیب قیلینگ!
طلبه قیزلر نینگ اوقیشی توخته‌تیلیش قراری، ملی و خلق‌ارا کینگ کولملی مناسبت‌لر بیلن روپه‌ره بولگن.
