اسلام امیرلیگی تامانیدن مملکت بویلب بیلیم یورت‌لر طلبه قیزلر یوزیگه یاپیلیشی گه دایر مناسبت‌لر دوامیده، افغانستان اوچون بیرلشگن ملت‌لر تشکیلاتی نینگ انسان حقلری مخصوص گزارش‌گری گه کوره، اسلام امیرلیگی نینگ بو قراری افغانستان جمعیتیدن خاتین‌لر نینگ یوق قیلیش و اولر نینگ اوز حق‌لریدن محروم ایتیشیدن درک بیره‌دی.
جناب بنت، بوگون (چهارشنبه، ۳۰ قوس) بامداد چاغی اوز توییتری ده، اسلام امیرلیگی دن اوشبو قرارینی قیته کوریب چیقیشینی سوره‌گن. او «افغانستان قیزلری گه تعلیم حقی» بیریلیشینی اورغوله‌گن.
عین‌حالده عالی اوقوو وزیرلیگی، طلبه قیزلر نینگ اوقیشینی «کیینگی امرگچه» توخته‌تگن. مذکور وزیرلیک اوتگن کون بیر مکتوب صادر قیلیب دولتی و خصوصی برچه بیلیم یورت‌لر گه، طلبه قیزلر نینگ اوقیشینی «تعطیل« قیلیش بویروغینی بیرگن.
بیزلرنینگ فیسبوک صحیفه‌میزگه باش اورینگ!
اوشبو مکتوب ده یازیلیشیچه، طلبه قیزلر نینگ اوقیشی توخته‌تیلیش قراری، اسلام امیرلیگی حکومتی کابینه‌سی قراری گه بناً آلینگن. بو قرار، حاضرگچه ایریم مناسبت‌لر بیلن روپه‌ره بولگن.
بریتانیا تشقی ایشلر وزیرلیگی ده آسیا جنوبی، اورته شرق و افریقا ایشلری بوییچه دولت وزیری لرد طارق احمد، اسلام امیرلیگی تامانیدن طلبه قیزلر نینگ اوقیشی توخته‌تیلیشی گه مناسبت بیلدیریب، بو قرار افغانستان نینگ اقتصادی و خوفسیزلیگینی کوچ‌سیز قیله‌دی دیگن.
طارق احمد گه کوره، مذهبی یا اخلاقی نقطه‌ی نظردن اوقیش حقی ایاغ آستی بولیشی اساس‌سیز دیر. اونینگ یازیشیچه: «مذهبی یا اخلاقی نقطه‌ی نظردن اوقیش حقینی ایاغ آستی قیلیش اساس‌سیز دیر. بو ایش افغانستان نینگ اقتصادی و خوفسیزلیگینی کوچ‌سیز قیله‌دی و افغان عایله‌لری اوستیگه سلبی تأثیر قیله‌دی.»
عین‌حالده، انسان حقلرینی کوزه‌تووچی تشکیلات، اسلام امیرلیگی حکومتی تامانیدن طلبه قیزلر نینگ اوقیشی توخته‌تیلیشینی «اویتلی» دیب ایتیشیچه، بو قرار خاتین قیزلر نینگ حقلرینی ایاغ آستی قیله‌دی. مذکور نهاد اوز توییتری ده یازیشیچه، اسلام امیرلیگی هر کونی افغانستان خلقی نینگ اساسی حقوقی اینیقسه خاتین‌لر نینگ حقوقی برابریده بی فرق‌لیگینی کورستماقده دیر.
باشقه تاماندن، کابل ده جرمنی ایلچیخانه‌سی بو قرارنی «اچینرلی» دیب ایتیشیچه، اسلام امیرلیگی بو ایشلری گه علاوه، یلدا کیچه‌سیدن نشانله‌یدیگنلر گه، امید و یاغدولیک آرزو قیلماقده‌لر. جرمنی ایلچیسی اوز توییتری ده یازیشیچه: «بو ایش افغانستان بوتون خاتین قیزلری اوچون کتته ضربه دیر.»
شو بیلن بیرگه، افغانستان ملی خوفسیزلیک سابق باشلیغی رحمت‌الله نبیل، اسلام امیرلیگی نینگ اوشبو قراری گه مناسبت بیلدیریب ایتیشیچه، «اسلام امیرلیگی اوز بقاسی اوچون یشاوچیلرنی قرانغو گه سقلش گه مجبور دیر.» اونگه کوره، بیلیم جمعیت نینگ میه‌سی اوسیشی و آزادلیگیگه سبب بوله‌دی؛ «عین‌حالده، اسلام امیرلیگی اوز بقاسینی یاش نسل‌نی قرانغو گه سقلش گه باغلیق بیله‌دی.»
بیزلرنینگ توییترده هم تعقیب قیلینگ!
ملی المپیک کمیته باشلیغی نظرمحمد مطمئن، طلبه قیزلر نینگ اوقیشی توخته‌تیلیشی گه مناسبت بیلدیریب ایتیشیچه، بو قرار مردم و حکومت ارا فاصله گه سبب بولیب و بری-بیر اوروش بیلن یکونلنه‌دی. او اوز توییتری ده اوروش ده مردم غالب دیه یازگن.
ایتیش کیره‌ک که، اسلام امیرلیگی حاکمیت گه ایریشگنیدن بویان اولکه مقیاسیده آلتینچی صنف دن یوقاری قیز اوقووچیلر یوزی گه مکتب‌لر ایشیگینی یاپگن. اسلام امیرلیگی رسمی‌لری نیچه مراتبه قیزلر نینگ مکتب‌لری آچیلیش ریجه‌سی اوستیگه ایشلش‌لرینی ایتگنلر؛ لیکن بیر یریم ییل اوتیشی بیلن مکتب‌لر ایشیگی همان یاپیق قالماقده دیر.
