نماینده‌لر کینگش اعضالریدن قطاری مذکور کینگش نینگ بوگونگی عمومی ییغینیده، امنیتی وضعیت یمان‌لنگنی، کرونا کسل‌لیگی کینگه‌یگنی و شونگه اوخشه‌گن باشقه قیینچلیکلر توغریسیده خواطر بیلدیریشگن.
اولرنینگ ایتیش‌لریچه، آمریکا افغانستان حکومتی بیلن امنیتی کیلیشوونامه امضاله‌گن، بیراق بو کلیشوونامه گه توجه قیلمسدن قاچیب کیتگن.
بیزلرنینگ فیسبوک صحیفه‌میزگه باش اورینگ!
اولرنینگ کوپه‌یتیریش‌لریچه، حکومتی مسئوللر و بو کیلیشوونامه امضاله‌نیشی اوستیگه اورغوله‌گن باشقه کیشیلر، مذکور کیلیشوونامه نینگ تقدیری توغریسیده هیچ سوره‌مه‌گنلر.
نماینده‌لر کینگش اعضاسی محمدصدیق حسن‌زاده، آمریکا نینگ جاری بحران عاملی دیب و ایتیشیچه، کیلیشوونامه امضاله‌نیشی بیلن اوروش کم بولمه‌گن، بیراق کوپه بولگن.
نماینده‌لر کینگش اعضالریدن باشقه بیری استاد حنیف نینگ ایتیشیچه،آمریکالیک‌لرگه اوز فایده‌لریدن باشقه هیچ بیر انسان نینگ حیاتی نی ارزشی یوق. اونینگ اورغولشیچه، نماینده‌لر کینگشی آمریکالیکلرنینگ ۲۰ ییل‌لیک یوتوق‌لرینی تیکشیریشی کیره‌ک.
بیزلرنینگ توییترده هم تعقیب قیلینگ!
اونگه کوره، آمریکا افغانستان نی ترک قیلگن بیرحالده، مذکور مملکت نینگ فساد، ناتینچلیک، قومی قرمه‌قرشیلیکلر، ترور و اختطاف فرهنگی نی رواجلنتیریش‌دن باشقه هیچ بیر یوتوقی یوق.
عین حالده، نماینده‌لر کینگش باشلیغی میررحمان رحمانی، ناتینچلیکلر کوپه‌یگنیدن خواطر بیلدیریب و ایسلنگن قیینچلیکلر توغریسیده امنیتی مسئوللرنی کینگش گه چقیریش اوچون مسئول کمیسیون گه وظیفه بیرگن.
