آمریکا قوشمه ایالت‌لری نینگ تشقی ایشلر وزیرلیگی سوزلاوچیسی ند پرایس، اوتگن کون خبری بیر ییغین‌ده ایتگن که، اسلامی امارت افغانستان عیال‌لری و قیزلری خصوصیده‌گی سونگی بویروغی نی اوزگرتیرمه‌گن صورتده، آمریکا دولتی اولر گه باسیم‌لری نی کوپه‌یتیریشی ممکن.
رویترز خبرگزارلیگی آمریکا قوشمه ایالت‌لری نینگ تشقی ایشلر وزیرلیگی سوزلاوچیسی‌دن نقل قیلیب گزارش بیریشیچه، مذکور مملکت باشقه مملکت‌لر یانیده، اسلامی امارت گه باسیم‌لری نی عمل گه آشیریشی ممکن.
بیزلرنینگ فیسبوک صحیفه‌میزگه باش اورینگ!
ند پرایس نینگ ایتیشیچه: «اوشبو موضوع خصوصیده اسلامی امارت بیلن مستقیم شکلده صحبت قیلدیک. [بو قرار‌لر] اوزگرمه‌گن صورتده، اختیاریمیزده بولگن امکانیت‌لردن قوللنیشی‌میز ممکن.»
شونده‌ی بیرحالده، اسلامی امارت قدرت گه ایریشگنیدن بویان افغانستان عیاللر و قیزلری گه چیکلاو‌لر یره‌تگن. اسلامی امارت اوتگن ۸ آیدن بیری عیاللر ایشی و قیزلر نینگ تعلیمی گه توسیق بولگن.
ینگی‌لیکده، جاری هفته نینگ شنبه کونی‌ده عیاللر حجابی حقیده امر بالمعروف و نهی عن‌المنکر وزیرلیگی بیر بویروغ صادر قیلدی. مذکور بویروغ اساسیده، بوندن بویان عیاللر حجاب نی رعایت قیلیش‌لری کیره‌ک و عکسینچه حالده، اولر نینگ عایله‌ده‌گی ایرککلر جزالنتیریله‌دی.
- اسلامی امارت نینگ حجاب خصوصیده‌گی بویروغی گه قرشی عکس‌العمل‌لر
- بیلرمان‌لر: حجاب حقیده ا.ا نینگ بویروغی افغانستان بیلن دنیا رابطه‌لری گه تاثیر قیله‌دی
- سمنگان حاکمی: عیاللر اسلامی حجاب‌نی رعایت قیلیش بیلن یاردم بیرووچی نهادلرگه ایش قیله آله‌دیلر
مذکور بویروغ‌ده «چادری و قاره حجاب» حجاب نمونه‌لریدن دیلگن و عیاللر نینگ نیازلری بولمه‌گن صورتده اویلریدن چیقمه‌یشلری خصوصیده تاکید بولگن. عین حالده، عیال ایشلاوچیلر دولتی نهادلرده حجاب نی رعایت قیلمه‌گنلری صورتده، ایشدن بوشه‌تیلیش‌لری ممکن.
اسلامی امارت نینگ مذکور بویروغی ایچکی، خلق‌ارا و آمریکا دولتی نماینده‌لری نینگ عکس‌العمل‌لر بیلن روپه‌رو بولگن. مذکور ییغین‌ده آمریکا قوشمه ایالت‌لری نینگ تشقی ایشلر وزیرلیگی سوزلاوچیسی نینگ کوپه‌یتیریشیچه: «بیزلر یقیندن متحد‌لریمیز و همکارلریمیز بیلن مشوره قیلگن‌میز. اسلامی امارت بیرگن سوزلری نی عمل گه آشیریب و اوشبو بویروغی نی اوزگرتیریشی اوچون باسیملر نی کوپه‌یتیریشی‌میز ممکن.» او اسلامی امارت برابریده عمل گه آشیره‌دیگن باسیملر خصوصیده معلومات ارائه قیلمه‌گن.
شونینگدیک افغانستان انسانی حقوقی وضعیتی بوییچه بیرلشگن ملت‌لر تشکیلاتی خاص گزارشگری ریچارد بنیب ایتگن که، اسلامی امارت اوشبو بویروغ بیلن عیاللر نینگ تعلیمی، ایش و عمومی حیاتی زمینه‌سیده چیکلاو یره‌تیش بیلن، اولر نینگ انسانی حق‌لری نی آدیم آدیم یوق ایتماقده دیر. اونینگ ایتیشیچه، خلق‌ارا جماعه نینگ اقدام قیلیش زمانی ییتیب کیلگن.
بیزلرنینگ توییترده هم تعقیب قیلینگ!
بیرلشگن ملت‌لر تشکیلاتی نینگ باش‌کاتبی آنتونیو گوترش، اسلامی امارت نینگ اوشبو قراری خصوصیده خواطر بیلدیریب و اسلامی امارت‌دن خلق‌ارا انسانی حقوقی اساسیده بیرگن سوزلری و افغانستان عیاللر و قیزلری گه بیرگن سوزلری نینگ عمل گه آشیریشلری نی سوره‌گن.
انسانی حقوق کوزه‌تووچیسی نینگ عیاللر بولیمی مدیر اورین‌باسری هیدر بار، شونینگدیک اوشبو بویروغ گه قرشی عکس‌العمل کورستگن. اونینگ ایتیشیچه، اوشبو بویروغ‌دن مقصد، عیاللر و قیزلر نینگ عمومی حیات‌دن حذف قیلیش دیر.
