سیاسی ایش‌بیلرمان‌لردن قطاری نینگ ایتیش‌لریچه، اسلامی امارت نینگ عیال‌لر حجابی حقیده‌گی ینگی بویروغی، افغانستان بیلن دنیا رابطه‌لری گه منفی تأثیر قیلیب و سرپرست حکومت نینگ رسمیت گه تانیلیش پروسه‌سی نی قیینچیلیک بیلن روپه‌رو قیله‌دی.
اوتگن کون امر بالمعروف و نهی عن‌المنکر وزیرلیگی عیال‌لر حجابی حقیده ینگی بیر بویروغ صادر قیلدی که اوشبو بویروغ اساسیده، عیال‌لر بوندن بویان حجاب نی مراعات قیلیش‌لری کیره‌ک. مذکور بویروغ دنیا نینگ جدی عکس‌العمل‌لری بیلن روپه‌رو بولگنی گه علاوه، شونینگدیک سیاسی مسئله‌لر بیلرمانلریدن قطاری نینگ ایشانچی گه کوره، مذکور بویروغ اسلامی امارت حکومتی و افغانستان اهالیسی نینگ کیله‌جگی گه منفی تاثیر قویشی ممکن.
بیزلرنینگ فیسبوک صحیفه‌میزگه باش اورینگ!
سیاسی مسئله‌لر بیلرمانلریدن بیری نور‌شاه نورانی نینگ سلام‌وطندار گه ایتیشیچه، اسلامی امارت حاضرگی وضعیت‌ده خلق‌ارا مشروعیت و دنیا جماعه نینگ یاردم‌لری گه نیاز بولگن بیرحالده، اوشبو بویروغ نی صادر قیلیشی درست ایمس.
اونینگ اورغولشیچه، عیال‌لر حجابی حقیده بویروغ صادر قیلینیش اورنیده، قیزلر مکتب‌لری نینگ آچیلشی خصوصیده بویروغ صادر قیلینیشی یخشی ایدی و مذکور بویروغ دنیا مملکت‌لری تامانیدن اسلامی امارت نینگ رسمیت گه تانیلیش پروسه‌سی گه منفی تأثیر قویه‌دی.
شونینگدیک سیاسی مسئله‌لر بیلرمانلریدن باشقه بیری معین‌خان سمکنی، حجاب نینگ اجباری بولگنی و ۶-صنف‌دن یوقاری قیزلر مکتب‌لری نینگ یاپیق قالگنی نی اسلامی امارت نینگ فایده‌سی گه ایمس دیب و ایتیشیچه، بو رقم اقدام‌لر اسلامی امارت بیلن دنیا نینگ دیپلماتیک رابطه‌لری گه زیان ییتیشتیریشی ممکن.
جناب سمکنی، حجاب و عیال‌لر تعلیمی پروسه‌سی خصوصیده اسلامی مملکت‌لر عالم‌لری نینگ ییغینی گه اورغو‌لب و ایتیشیچه، اسلامی امارت اجباری حجاب و عیال‌لر گه چیکلاو یره‌تیش اورنیده، ایش زمینه‌سی واهالی نینگ اقتصادی قیین‌چیلیک‌لری نی رفع قیلیش اوچون سعی و حرکت قیلیش کیره‌ک.
بیزلرنینگ توییترده هم تعقیب قیلینگ!
بوتوغریده اسلامی امارت مسئوللری نینگ فکری نی آلیش ایسته‌دیک؛ بیراق موفق بولمه‌دیک.
شونینگدیک بوندن آلدین، اسلامی امارت تامانیدن قیزلر و عیال‌لر گه وضع بولگن چیکلاولر، ایچی و تشقی عکس‌العمل‌لر بیلن روپه‌رو بولگن. اسلامی امارت نینگ رسمیت گه تانیش اوچون عیال‌لر نینگ اساسی حقلری نی تامین‌لش خلق‌ارا جماعه نینگ بیان قیلگن شرطی دیر.
افغانستان‌ده بیرلشگن ملت‌لر تشکیلاتی نینگ اورین‌باسرلیک هیأت دفتری یا-ده یوناما، شونینگدیک اسلامی امارت بویروغی گه قرشی عکس‌العمل کورستیب و ایتگن که، اوشبو قرار سرپرست حکومت بیلن دنیا جماعه نینگ تعاملی خصوصیده قیینچیلیک یره‌تیشی ممکن.
