اسلامی امارت امر معروف نهی منکر وزیرلیگی عیاللر یاپینیشلری توغریسیده، ینگی بیر بویروغ بیریب ایتیشیچه، اوشبو بویروغ برچه عیاللر تامانیدن رعایت قیلینیشی کیره‌ک. مذکور بویروغده کیلیشیچه، هر قنده‌ی کییم که تَنه‌نی یاپینتیرسه، تار و نازک بولمه‌سه حجاب اوله‌راق حسابلنه‌دی.
شونینگدیک اوشبو بویروغده کیلیشیچه، «چادری» شرعی حجاب نینگ اینگ اعلی نمونه‌لریدن دیر و قاره ححاب هم تار و نازک بولمه‌گن صورتده شرعی دیر. امر معروف نهی منکر وزیرلیگی نینگ ایتیشیچه، حجاب‌نی رعایت قیلمه‌گن عیاللر نینگ بیرینچیدن یَشش اوی‌لر بیللی قیلینیب، ولیسی‌گه توصیه و تنبه قیلینه‌دی.
بیزلرنینگ فیسبوک صحیفه‌میزگه باش اورینگ!
ایکینچی قدم‌گه عیال نینگ ولیسی، تیگیشلی اداره‌ده چَقریلیب و اوچینچی قدم‌گه قماققه سالینه‌دی و تورتینچی قدم‌گه محکمه‌ده تاپشیریلیب، شریعت بویروغی اساسیده جزا لَنتیریله‌دی.
شونینگدیک مذکور بویروغ اساسیده، دولت اداره‌لریده ایشلاوچی عیاللر حجاب‌نی رعایت قیلمه‌گن صورتده ایش‌دن بوشه‌تیله‌دیلر.
شونده‌ی بیرحالده، امر معروف نهی منکر وزیرلیگی عیاللر نینگ یاپینیش‌لرینی تیکشیریش و عیاللر یاپینیشلری نینگ فایده و زیانلر خصوصیده رسانه‌لر و مسجدلر منبریده تبلیغ قیلیش‌لری اوچون بیرقطار هیات‌نی تعین قیلگن.
بیزلرنینگ توییترده هم تعقیب قیلینگ!
ایتیش کیره‌ک دیرکه اسلامی افغانستانده حاکم بولگندن کیین عیاللر برابریده کوپینچه چیکلاولر یره‌تیلگن و عیاللر نینگ (ساغلیق و تعلیمی) مرکزلریدن باشقه بولیم‌لرگه ایش قیلیشی‌گه رخصت بیریلمه‌گن و ۶- صنف‌دن یوقاری قیز اوقووچی‌لر یوزیگه مکتب‌لر ایشیگی یاپیلگن.
عین‌حالده بیر قطار ولایت‌لرده عیاللر محرم‌سیز سفر قیلمس‌لیکلری، عیاللر سیس و تصویری رسانه‌لردن نشر ایتیلمَس‌لیگی، اسلامی امارت تامانیدن عیاللر برابریده یَره‌تیلگن چیکلاولر قطاریدن دیر.
