افغانستان ده بیرلشگن ملتلر تشکیلاتی نینگ اورینباسرلیک هیأت دفتری یا یوناما اعلام قیلگن که، افغانستان طالبان نظارتی گه اوتگنیدن کیین، عیاللر حقلری نینگ کوچسیزلنیشی گه شاهد بولگن.
مذکور نهاد بوگون « خلقارا انسان حقلری کونی» مناسبتی بیلن بیر اعلامیه ترقهتیب و افغانستان اوچون خلقارا انسان حقلری اعلامیهسی نینگ واقعی اهمیتی اوستیگه اورغولهگن و اسلامی امارت دن بو مملکت هر بیر یشاوچیسی نینگ حقلریدن حمایت قیلیشی نی سورهگن.
یوناما نینگ کوپهیتیریشیچه، خلقارا انسان حقلری کونی نینگ بو ییل که شعاری «برابرلیک» اوستیگه تمرکز قیلگن. خلقارا انسان حقلری اعلامیهسی نینگ بیرینچی مادهسی اساسیده، برچه انسانلر آزاد دنیا گه کیلهدی و اولر ایسه حیثیت و حقوق نقطهی نظردن بیربیراولری بیلن تینگ دیر.
افغانستان ده بیرلشگن ملتلر تشکیلاتی باشکاتبی نینگ خاص نمایندهسی، اسلامی امارت دن «برابرلیک» نی افغانستان نینگ کوندهلیک بیر واقعیتی صفتیده اوزگرتیریشی نی سورهگن.
بیزلرنینگ فیسبوک صحیفهمیزگه باش اورینگ!
باشقه بیر تاماندن افغانستان بوییچه بیرلشگن ملتلر تشکیلاتی باشکاتبی خاص نمایندهسی، جامعه نینگ برچه قشرلری حفاظت قیلینیشی توغریسیده اسلامی امارت نینگ وعدهلریگه اشاره قیلیب و کوپهیتیریشیچه، اسلامی امارت بو وعدهلریگه عمل قیلیشی کیرهک.
دیبرا لاینز عیاللر و قیزلرنینگ حقوقی رعایت ایتیلمهسیدن خواطر بیلدیرگن؛ چونکه اونگه کوره، اسلامی امارت قدرت گه ایریشگنیدن بویان، عیاللر و قیزلر حقوقی نینگ کوچسیزلنیشی گه شاهد بولگنلر.
خانم لاینز، اسلامی امارت دن سونگی پیتلرده مدنی فعاللر، رسانه ایشلاوچیلری، انسان حقلریدن مدافعه قیلهدیگن کیشیلر و سابق حربی کوچلرنینگ اولدیریلیشی، اوغیرلنیشی و زوروانلیککه دوچ کیلگنی حقیده ترقهتیلگن گزارشلر خصوصیده تحقیق قیلیشی نی سورهگن.