بوگون افغانستان اسلامی امارت سرپرست حکومتی، مملکت دن امریکا قوشمه ایالت‌لری و متحدلری نینگ چیقیشی ییل‌لیگی مناسبتی بیلن بیر بیانیه ترقه‌تیب ایتیشیچه، دنیا همجمعیت افغانستان برابری ده قانونی سیاست اختیار قیلیشی کیره‌ک.
اوتگن ییل ۹ سنبله ده، امریکا نینگ اینگ سونگی عسکری کابل خلق‌ارا هوا قونالغه‌سینی ترک ایتدی. ایش و اجتماعی ایشلر وزیرلیگی اوشبو کون‌نی عمومی رخصتی اعلام قیلگن. بوگون ۹ سنبله دن مملکت بویلب نشانلنماقده.
بیزلرنینگ فیسبوک صحیفه‌میزگه باش اورینگ!
اسلامی امارت بیر بیانیه ترقه‌تیب، افغانستان دن خارجی کوچلر چیقیشینی مملکت یشاوچیلری اوچون «بویوک ظفر» عنوان قیلگن. بیانیه ده کیلیشیچه: «اوشبو ظفراهمیتی و ارزشینی درک قیلیش مهم دیر.»
بیانیه ده یازیلیشیچه: «اوشبو بویوک ظفر فرصت‌لریدن اسلامی تیزیم نینگ مستحکم‌لیگی، نظم و ترقیاتی اوچون فایده‌لنیب و کوچلی، سوچه و مستحکم اسلامی بیر نظام نی حاکم قیلیش اوچون سعی و حرکت قیلیش کیره‌ک.»
اسلامی امارت مذکور بیانیه ده، دنیا همجمعیت دن کیله‌جک اوچون اوتگن ۲۰ ییل دن تجربه آلیشی طلب قیلینگن: «اوتگن ۲۰ ییل ده افغانستان خلقی گه قرشی هر قنده‌ی تهدید و باسیم ناکام بولیب و یالغیز بحران کوچه‌یشیگه سبب بولدی.»
بیزلرنینگ توییترده هم تعقیب قیلینگ!
بیانیه ده، اسلامی امارت افغانستان نینگ «مشروع تیزیمی» دییلیب و دنیا همجمعیت دن، افغانستان برابری ده قانونی سیاست اختیار قیلیب، افغان‌لر نینگ خواهش_اراده‌سی و مملکت نینگ مستقل‌لیگیگه حرمت قیلیشی سوره‌لگن.
افغانستان ده اسلامی امارت ایکینچی مراتبه قدرت نی آلیشیدن بیر ییل اوتسه ده، لیکن هیچ بیر مملکت حاضرگه قدر اوشبو حکومت نی رسمیت گه تانیمه‌گن.
