سوو و برق وزیرلیگی مسئوللری نسبتاً کوچلی قار و یامغیر یاغیشی، سوو تاشقینی یوز بیریشی و مملکت دینگیز حوزه‌لری ساحه‌لریدن قطاریده دریالر سووی تاشیش احتمالی خصوصیده آگاه‌لنتیرگن.
اولر نینگ ایتیشلریچه، جاری هفته سه‌شنبه کونی سوو تاشقینی یوز بیریشی و مملکت دینگیز حوزه‌لری ساحه‌لریدن قطاریده دریالر سووی تاشیشی ممکن.
بیزلرنینگ «ایکس» ترماغی ده هم تعقیب قیلینگ!
سوو و برق وزیرلیگی سوزلاوچیسی مطیع‌الله عابد نینگ سلام‌وطندار گه ایتیشیچه: «هریرود، هلمند، کابل، شمال و پنج‌آمو حوزه‌سیده سوو تاشقینلر بیلن نسبتاً کوچلی یامغیر و قار یاغیشی ممکن. مملکت دینگیز حوزه‌لری ساحه‌لریده حیات کیچیره‌دیگنلردن سوو تاشقین و سوو سطحی یوقاری کیلگنی‌ده دریالر یقینیگه بارمسلیکلری نی ایسته‌یمیز. سوو تاشقینلر و دریالر سوو سطحی یوقاری کیته‌دیگن پیتده قویی‌ده‌گی منطقه‌لر گه هم خبر بیریلیشی کیره‌ک که انسانی تلفات آلدی آلینسین.»
شونده‌ی بیرحالده، طبیعی آفت‌لرنی باشقریش ایشلری بوییچه دولت وزیرلیگی مسئوللری نینگ ایتیشلریچه، سونگی اوچ کون جریانده ۱۵ ولایت‌ده یوز بیرگن سوو تاشقینلر نتیجه‌سیده، ۸ کیشی اولیب و ۳ کیشی ایسه یره‌لنگن.
اوشبو وزیرلیک سوزلاوچیسی محمد عبدالله‌جان سایق نینگ ایتیشیچه، مذکور سوو تاشقینلرده اونلب یشش اوی بوتونلی و قسمی شکلده ویران بولیب و شونینگدیک ۲۰ جریب ایکینچیلیک ییر هم اورته‌دن کیتگن.
بیزلرنینگ فیسبوک صحیفه‌میزگه باش اورینگ!
جناب سایق نینگ کوپه‌یتیریشیچه: «قندهار، ارزگان، نورستان، بادغیس، غور، ننگرهار، میدان‌وردک، هرات، سمنگان، پنجشیر، لغمان، کنر، بغلان، قندوز، سرپل و پروان ولایت‌لریده اوچ کون جریانیده یوز بیرگن سوو تاشقینلر نتیجه‌سیده، ۸ کیشی اولیب و ۲ کیشی یره‌لنگن. ۱۴۰ یشش اوی بوتونلی ویران و ۲۰ جریب ایکینچیلیک ییر هم اورته‌دن کیتگن.»
ایتیش کیره‌ک که، طبیعی آفت‌لرنی باشقریش ایشلری بوییچه دولت وزیرلیگی نینگ معلوماتی اساسیده، اوتگن ایکی هفته جریانیده مملکتده یوز بیرگن سوو تاشقینلر قربانی‌لری سانی ۱۰۰دن آرتیق کیشی گه ییتیشگن.
