طبیعی آفتلرنی باشقریش ایشلری بوییچه دولت وزیرلیگی مسئوللری نینگ سلاموطندار گه ایتیشلریچه، سونگی تورت کون جریانیده ۹ ولایتده یوز بیرگن سوو تاشقینلر نتیجهسیده، ۲۹ کیشی اولیب و ۷ کیشی ایسه یرهلنگن.
اوشبو وزیرلیک سوزلاوچیسی محمد عبداللهجان سایق نینگ ایتیشیچه، مذکور سوو تاشقینلر نتیجهسیده ۷۳ یشش اوی بوتونلی و قسماً ویران بولیب و ۲مینگ ۵۲۵ مینگ جریب ایکینچیلیک ییر اورتهدن کیتگن دیر.
بیزلرنینگ فیسبوک صحیفهمیزگه باش اورینگ!
جناب سایق نینگ کوپهیتیریشیچه: «۲۹-حملدن حاضرگچه غزنی، پکتیا، جوزجان، فراه، نیمروز، سمنگان، پروان، هلمند و ننگرهار ولایتلریده ۲۹ کیشی سوو تاشقینلر نتیجهسیده اولیب و باشقه ۷ کیشی یرهلنگن. ۷۳ یشش اوی هم بوتونلی و قسماً ویران بولگن.»
شوندهی بیرحالده، سونگی کونلر سوو تاشقینلردن زیان کورگن عایلهلردن قطاری نینگ ایتیشلریچه، حاضرگچه سرپرست حکومت و خلقارا نهادلر آرقهلی هیچ قندهی یاردم قولگه کیلتیرمهگنلر.
هلمند یشاوچیسی عصمتالله نینگ ایتیشیچه: «سوو تاشقینلر ۱۰ جریب بوغدای ییریمی نی خراب قیلگن. برچه قیشلاققه زیان ییتیشتیرگن. حکومتدن هیئت یوباریشی نی ایستهیمیز که بو منطقه گه زیان ییتیشگن می یا-که خیر؟»
زابل یشاوچیسی گلمحمد نینگ ایتیشیچه: «یامغیرلر بیزلر گه کوپینچه زیان ییتیشتیرگن. ایکینزارلریمیز نی ویران قیلگن و بیزلر گه یاردم بیریلیشی نی ایستهیمیز.»
بیزلرنینگ «ایکس» ترماغی ده هم تعقیب قیلینگ!
عین حالده، طبیعی آفتلر نی باشقریش ایشلری بوییچه دولت وزیرلیگی مسئوللری نینگ ایتیشلریچه، یاردم ییتکزیش پروسهسی ۳۲ ولایتده باشلنیب و حاضرگچه ۲۵مینگ ۳۹۸ عایله گه یاردم ترقهتیلگن دیر.
شوندهی بیرحالده، افغانستان هواشناسلیک ریاستی ایرته ۱۹ ولایتده یامغیر و قار یاغیشی و سوو تاشقین یوز بیریشی نی پیشبینلیک قیلگن.