بیراق افغانستان سودا و سرمایه یاتقیزیش اتاقی پاکستان مرکزی بانکی نینگ بو ادعاسینی رد قیلیب ایتیشیچه، افغان سوداگرلری برابریده پاکستان دولتی نینگ بهانه قیلیشی، وارداتی بازارلر اۉزگریشی و بعضی وارداتی توارلرنی ایشلب چیقریش ده افغانستان نینگ اۉزینی-اۉزی تامینلشی، ۲۰۲۳-ییل ده افغانستان نینگ پاکستان دن وارداتی کمه‌یشی گه سبب بولگن.
طبیعی آفت‌لرنی باشقریش ایشلری بوییچه دولت وزیرلیگی مسئوللری نینگ سلام‌وطندار گه ایتیشلریچه، سونگی تورت کون جریانیده ۹ ولایت‌ده یوز بیرگن سوو تاشقینلر نتیجهسیده، ۲۹ کیشی اولیب و ۷ کیشی ایسه یره‌لنگن.
پکتیا مرکزی گردیز شهری یشاوچیلریدن بیرقطاری، یشش اوی‌لری یقینیده ایشلب چیقرووچی کارخانه‌لر هوا افلاسلنیشی گه سبب بولگنینی اېته‌دیلر. گردیز شهری یشاوچیلریدن معین‌شاه گه کوره، اوی‌لری یقینیده اون (آرد) ایشلب چیقرووچی بیر کارخانه بار و یاقیلغی ماده‌لر دودی او نینگ عایله‌سی و باشقه بیر قنچه عایله‌لرنی بیزاوته قیلگن.
سرپرست حکومت ترانسپورت و هوا یول‌لری وزیرلیگی نینگ هواشناس‌لیک ریاستی اېرته (یک‌شنبه، ۲-ثور)، مملکت نینگ ۱۹ ولایتیده کوچلی قار و یامغیر یاغیب و سوو تاشقینی یوز بیریش احتمالی‌دن آگاه‌لنتیرگن.
افغانستان سرپرست حکومتی قاچقینلر وزیرلیگی مسئوللری نینگ ایتیشلریچه، پاکستان دن افغانستان‌لیک قاچقینلر نی جبری شکلده چیقریلیشی ایکینچی باسقیچی باشلنیشی بیلن بیرگه، اونینگ بیرینچی باسقیچی گه قره‌گنده چیقریلیشلر میزانی کمه‌یگن.
کاپیسا امنیه قوماندانیگی مسئوللری نینگ ایتیشلریچه، اوشبو ولایت اله‌سای تومنی اطرافیده قوراللی ایرککلر ایکی عیال نی آتیب اولدیرگنلر.
کاپیسا امنیه قوماندانلیگی سوزلاوچیسی عبدالفتاح فائز نینگ سلام‌وطندار گه ایتیشیچه، قوراللی ایرککلر پنج‌شنبه کونی آخشم چاغی ۳۰-حمل، ساعت ۰۴:۳۰ اطرافیده، اله‌سای تومنی نینگ «پاچاقوم حسن‌آباد» قیشلاغیده ایکی عیال نی آتیب اولدیرگنلر.
امریکا قۉشمه ایالتلری نینگ رسمی‌لری نایجریا دن بیر مینگ دن آرتیق عسکرلرینی چیقریب و افریقا ده اوچووچی‌سیز اوچاق‌لری نینگ اصلی پایگاه‌لرینی انتقال بیریش گه قرار قیلگنلر. امریکا قۉشمه ایالتلری نینگ اوشبو رسمی‌لری ۳۱-حمل، جمعه کونی فرانس پرس آژانسی گه آت‌لری سِر قالیش شرطی بیلن ایتیشلریچه، بو مملکت تشقی ایشلر وزیری نینگ اۉرین باسری کرت کمبل نایجریا باش وزیری علی مهامن لمین زین بیلن اوچره‌شووده بو اېستکنی قبول قیلگن.
بامیان ولایتی محلی مسئوللری، اوشبو ولایت نینگ مرکزی حدودلریده یشش بیر اوی قولشی عاقبتیده بیر عایله نینگ اوچ اعضاسی هلاک بولگنیدن خبر بیرگنلر. اولر گه کوره، بو واقعه ۳۱-حمل، جمعه کونی شام پیتی یوز بیرگن. بامیان حاکمی مطبوعات دفتری مذکور واقعه اوشبو ولایت مرکزی حدودلری «خشکک» قیشلاغیده یوز بیرگن. اونگه کوره، واقعه طفیلی ایکی عیال و بیر اېرکک قربان بولگنلر.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
