پکتیا مرکزی گردیز شهری یشاوچیلریدن بیرقطاری، یشش اوی‌لری یقینیده ایشلب چیقرووچی کارخانه‌لر هوا افلاسلنیشی گه سبب بولگنینی اېته‌دیلر.
گردیز شهری یشاوچیلریدن معین‌شاه گه کوره، اوی‌لری یقینیده اون (آرد) ایشلب چیقرووچی بیر کارخانه بار و یاقیلغی ماده‌لر دودی او نینگ عایله‌سی و باشقه بیر قنچه عایله‌لرنی بیزاوته قیلگن.
اونینگ کوپه‌یتیریشیچه: «قیشلاق ایچیده کارخانه قورگنلر؛ اوی ایچیده یوگن کییم‌لریمیزنی آفتاب بیره آلمه‌یمیز، چونکه دودی کییم‌لرنی افلاس‌لنتیره‌دی؛ دودی و هیدی دن بیزار بولگن‌میز؛ برچه دودی بیزنی اویی‌میز تامان کېله‌دی.»
بیزلرنینگ فیسبوک صحیفه‌میزگه باش اورینگ!
گردیز شهری یشاوچیلریدن باشقه بیری انزیرگل، یشش اوی‌لری یقینیده ایشلب چیقرووچی کارخانه‌لر فعالیتیدن شکایت قیله‌دی. اونینگ ایتیشیچه: «شهر اۉرته‌سیده کلچه‌پزلیک و باشقه کارخانه قورگنلر؛ بو کارخانه‌لر یشاوچیلر و یشش محیط گه ضرر یېتکیزه‌دی. دولت و سوداگرلردن بوتوغریده چاره کوریش‌لرینی اېسته‌یمیز.»
گردیز شهری ده ایشلب چیقرووچی کارخانه‌لردن بیری نینگ مسئولی فضل‌الدین جلال‌زی نینگ سلام‌وطندار گه ایتیشیچه، صناعتی شهرچه یوق‌لیگی باعث ایشلب چیقرووچی کارخانه‌لرنی شخصی ییرلری ده قورگنلر.
اونگه کوره، برق یوق‌لیگی باعث بیر قنچه کارخانه‌لر تاش کومیر، یاغاچ یا که جنراتور دن قوللنه‌دی و نهایت یشش محیط افلاسلنیشی گه سبب بوله‌دی.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «شهر اۉرته‌سیده کارخانه قوریلسه یشش محیط و اهالی گه قنچه‌لیک ضرری بولگنینی اۉزلریز بیله‌سیزلر؛ شاوقین، هید و دودی یشش محیط گه تاثیر قیلیب و یشاوچیلرنی بیزاوته قیله‌دی.»
پکتیا یشش محیط باشلیغی عبدالهادی هدایت گه کوره، یشش اوی‌لر یقینیده ایشلب چیقرووچی کارخانه‌لر، هوا افلاسلنیشی گه سبب بولیب واهالینی اېریم قیینچیلیک بیلن روپه‌ره قیلگن.
اونینگ ایشانچی گه کوره، پکتیاده‌گی کارخانه‌لر نینگ ۵۰ فایز دن کوپراغی ستندرد اېمس. «کارخانه‌لر گه یشش محیط برچه قاعده‌لرینی عملگه آشیره آلمه‌یمیز؛ چونکه او ییرده سرمایه یاتقیزیشگن، اونچه‌لیک امکانیت‌لری یوق؛ کارخانه‌لر نینگ دودینی تصفیه قیلیش اوچون فلتر قوندریلسه بونگه امکانیت کېره‌ک.»
پکتیا یشش محیط باشلیغی نینگ ایتیشیچه، مالی قیینچیلیک سبب کارخانه‌لر نینگ اېگه‌لری دود نی تصفیه قیلیش فلتر قوندیره آلمه‌گنلر.
حاضرگی کونده پکتیا مرکزی گردیز شهری ده اونلب ایشلب چیقرووچی کارخانه یشش اوی‌لر آره‌سیده فعالیت قیلیب و یشاوچیلرنی اېریم قیینچیلیک بیلن دوچ قیلگن.
