اقلیم اوزگریشی باعث افغانستان ده هوا حرارتی کوتریلیشی بیلن، یشش محیط ملی اداره مسئوللری نینگ ایتیشلریچه، نیچه ییل دن بویان افغانستان ده هوا حرارتی کوتریلماقده دیر.
یشش محیط ملی اداره‌سی اقلیم اوزگریش باشلیغی روح‌الله امین نینگ سلام‌وطندار گه ایتیشیچه، بودجه یوق‌لیگی و آب‌وهوا اوزگریشی گه قرشی کوره‌ش اوچون مذکور اداره گه عاید ۳۲ پروژه ایشی توخته‌تیلیشی، افغانستان نی جدی قیینچیلیک بیلن دوچ قیلگن.
او نینگ کوپه‌یتیریشیچه: «هوا حرارتی کوتریلیشی، کیتمه_کیت قورغاقچیلیک، سوو تاشقین‌لری و اورمان‌لر یوق ایتیلیشی اقلیم اوزگریش عامل‌لریدن دیر. گزارش‌لر اساسیده، مملکت ده هوا حرارتی قویاش ۱۳۲۹_ییل دن حاضرگچه ۱.۸ درجه کوتریلگن. قوشمه روشده اقدام بولمه‌گن تقدیرده، کیلگوسی ییل‌لرده مملکت ده‌گی قورغاقچیلیک جدی قیینچیلیککه سبب بولیشی ممکن.»
بیزلرنینگ فیسبوک صحیفه‌میزگه باش اورینگ!
باشقه تاماندن، قندوز و جوزجان ده بیرقطار دهقان‌لر نینگ ایتیشلریچه، هوا ایسیق‌لیگی و سوو تنقیص‌لیگی باعث ایکین‌لری قوریب و حاصل‌لریدن بیر قسمی یانگن.
قندوز دشت‌ارچی تومنی یشاوچیسی محمدگل گه کوره: «قندوز ده هوا جوده‌هم ایسیق دیر. پمیدار و بامیه ایککن ایدیک، سوو یوق و ایکین‌لریمیز قوریب قالدی، ایکین‌لریمیز برچه نرسه‌میز ایدی؛ اوشبو یول آرقه‌لی عایله اعضالریمیز نینگ نفقه‌سینی تأمینلر ایدیک؛ بیراق افسوس بیلن قوریب قالدی، حقیقتن هم کوپ زیان ییتکیزگن.»
جوزجان فیض‌آباد تومنی یشاوچیسی عبدالبشیر نینگ ایتیشیچه: «راضی ایمس‌میز؛ ۱۱ جریب ییر ده ۲۲ سیر بوغدای ایککن ایدیم. ایشانه‌سیز می ۲۲ سیر بوغدای دن ۱۱ سیر بوغدای حاصل آلدیم.»
عین‌حالده، کابل شهری یشاوچیلریدن بیرقطاری نینگ ایتیشلریچه، یاز موسومی ده برق‌سیزلیک و ساووق‌خانه یوق‌لیگی باعث، یشاوچیلر قیینچیلیگی ایکی برابر بوله‌دی.
کابل شهرنو یشاوچیسی عبدالله گه کوره: «نیچه کوندن بیری هوا کوپ ایسیق بولگن، پکه یا که کولر یاقیش اوچون حاضر برق یوق، سولر یا جنراتور دن قوللنیش گه مجبورمیز؛ چونکه هوا کونسه‌یین ایسیماقده دیر.»
اطراف_محیط ایش بیلرمان‌لریدن بیرقطاری نینگ ایتیشلریچه، اقلیم اوزگریشی گه قرشی کوره‌ش و زیان‌لرینی کمه‌یتیریش اوچون، سوو منبع‌لری باشقریلیشی کیره‌ک.
بیزلرنینگ توییترده هم تعقیب قیلینگ!
یشش محیط ایش بیلرمانی عبدالباسط رحمانی گه کوره: «هوا ایسیق‌لیگی و اقلیم اوزگریشی جدی قیینچیلیککه اوزگرماقده. سوو منبع‌لری باشقریلمسلیگی و یاقیلغی ماده‌لردن ناقانونی فایده‌لنیش هوا ایسیشی اوستیده تأثیر قیله‌دی. مملکت‌لر اونملی ریجه‌لری بیلن اقلیم اوزگریشینی باشقریش‌لری ممکن.»
عین‌حالده، سوو و برق وزیرلیگی گه کوره، سرطان و اسد آی‌لریده هوا ایسیق بولیشی بیلن قار و طبیعی موزخانه‌لر ایریشی گه سبب بوله‌دی. مذکور وزیرلیک، ۴۰۰۰-۵۰۰۰ متر آره‌لیغیده جایلشگن طبیعی موزخانه‌لر ایریب و مملکت نینگ قطار ولایت‌لریده سوو تاشقین‌لری یوز بیریشی گه سبب بولیشیدن آگاه‌لنتیرگن.
