خلق‌ارا قوتقرو کمیته گه کوره، افغانستان اقلیم اوزگریشی باعث تأثیرلنگن اون مملکت ارا اوچینچی اورین ده قرار تاپگن. مذکور کمیته گه کوره، افغانستان کیتمه_کیت اوچینچی ییل قورغاقچیلیک نی تجربه قیلماقده، اوشبو قورغاقچیلیک باعث ییگولیک ماده‌لر کمه‌یب و یشاوچیلر اوز اوی_جای‌لرینی ترک ایتیش گه مجبور بوله‌دیلر.
طبیعی آفت‌لرنی باشقریش ایشلری بوییچه دولت وزیرلیگی نینگ ایتیشیچه، اوشبو ییل ده هوا ایسیشی بیلن افغانستان نینگ ایریم حدودلری ده اهالی یشمه‌ی و بیر قطار بولیم‌لریده کوچلی سوو تاشقین‌لری یوز بیریشی ممکن.
بیزلرنینگ فیسبوک صحیفه‌میزگه باش اورینگ!
مذکور وزیرلیک سوزلاوچیسی شفیع‌الله رحیمی گه کوره، اوتگن ییلی مملکت ده آب‌وهوا اوزگریشی باعث اوچ مینگ کیشی هلاک و یره‌لنیب و باشقه مینگلرچه چاروه تلف بولگن.
او نینگ کوپه‌یتیریشیچه: «مملکت ده هوا ایسیشی بیلن قطار منطقه‌لر ده یشب بولمسلیگی ممکن و عکسینچه بیرقطار منطقه‌لرده کوچلی یامغیر یاغیب و سوو تاشقینی یوز بیریشی ممکن. اوتگن ییلی اقلیم اوزگریشی طفیلی بیر مینگ کیشی هلاک بولیب و باشقه ایکی مینگ کیشی یره‌لنگندی و شونینگدیک، ۹۰ مینگ چاروه تلف و ۴۰ یشش اوی بوتونلی یاده قسمی روشده بوزیلگندی.»
عین‌حالده، اطراف_محیط نی سقلش اداره سوزلاوچیسی فریدفرهنگ، افغانستان ده آب‌وهوا اوزگریشی گه باغلیق پروژه‌لر ایشی توخته‌لیشی گه اشاره قیلیب، چیت ایل مملکت‌لردن بوتوغریده افغانستان گه یاردم بیریش‌لرینی طلب قیلگن.
او نینگ ایتیشیچه: «افغانستان کوپراق اقلیم اوزگریشی دن تأثیرلنه‌دی و اقلیم اوزگریشی باعث دنیا افغانستان گه یاردم بیریشی کیره‌ک، حاضر افغانستان ده ۸۹۲ میلیون دالرلیک ۳۲ پروژه ایشی توخته‌گن، یاردم بیرووچی مملکت‌لردن یاردم‌لرینی سیاسی قیلمسلیک‌لرینی ایسته‌یمیز.»
اطراف_محیط ایش بیلرمان‌لریدن بیرقطاری، اقلیم اوزگریشی گه قرشی کوره‌ش اوچون اسلام امیرلیگی آب‌وهوا ازگریشی کنوانسیون‌لریده افغانستان اعضالیگینی حفظ قیلیش اوچون تلاش قیلیشی کیره‌ک دیدیلر.
بیزلرنینگ توییترده هم تعقیب قیلینگ!
اطراف_محیط ایش بیلرمانی عبدالهادی اچکزی نینگ ایتیشیچه: «افغانستان اقلیم اوزگریشی بوییچه دنیا بیلن توزیلگن ۱۷ کنوانسیون گه اعضا دیر و اسلام امیرلیگی اوشبو کنوانسیون‌لرده اوز اعضالیگینی حفظ قیلیشی کیره‌ک و شونینگدیک، اسلام امیرلیگی اقلیم اوزگریشی تدقیقاتی مرکز ایجاد ایتیب و اورمان‌لرنی کوپه‌یتیریش اوچون تلاش قیلیشی کیره‌ک.»
خلق‌ارا قوتقرو کمیته نینگ معلوماتی اساسیده، یمن، چاد، افغانستان، جنوبی سودان، مرکزی افریقا جمهوریتی و باشقه اولکه‌لر، آب‌وهوا اوزگریشی باعث کوپ زیان کورگن مملکت‌لردن دیر.
