اسلام امیرلیگی سوزلاوچیسی ذبیح‌الله مجاهد، سه‌شنبه کونی، ۴ میزان، افغانستان وضعیتی گه دایر بیرلشگن ملت‌لر تشکیلاتی خوفسیزلیک کینگشی نینگ ییغیلیشی گه مناسبت بیلدیریب ایتیشیچه، دنیا و خلق‌ارا تشکیلات‌لر افغانستان ده‌گی کیچیک ایشلر بیلن مصروف دیر.
سرپرست حکومت سوزلاوچیسی گه کوره، بیرلشگن ملت‌لر تشکیلاتی افغانستان نینگ حاضرگی حکومتی یوتوق‌لری گه اعتبار بیرمه‌ی، کوپراق قیزلر نینگ تعلیمی و خاتین قیزلر نینگ ایش گه قیتیش‌لری اوستیگه اوز اعتبارلرینی قره‌تیشگن.
بیزلرنینگ فیسبوک صحیفه‌میزگه باش اورینگ!
ذبیح‌الله مجاهد سلام‌وطندار گه ایتیشیچه: «اولر یالغیز ایکی موضوع اوستیگه اوز اعتبارلرینی قره‌تیشگن، افغانستان ده‌گی مسئله‌لر، آلتینچی صنف دن یوقاری قیز اوقووچیلر نینگ تعلیمی و بیلیم یورت‌لر یا که بعضی جای‌لرده عیاللر نینگ ایشگه باریش‌لری؛ بیراق برچه یوتوق‌لر گه اعتبار بیرمه‌یدیلر.»
بیرلشگن ملت‌لر تشکیلاتی خوفسیزلیک کینگشی نینگ اوتگن کونگی ییغیلیشی ده، افغانستان وضعیتی اینیقسه خاتین قیزلر نینگ وضعیتیدن خواطر بیلدیریلیب و ینه بیر بار مذکور ییغیلیش ده اشتراک ایتگن دولت‌لر اینیقسه روسیه، افغانستان ده عصیانچی گروه‌لر نینگ تهدیدلریدن خواطر بیلدیرگن.
بیراق اسلام امیرلیگی سوزلاوچیسی، اوشبو خواطرلرنی رد قیلیب ایتیشیچه، بو کبی خواطرلر افغانستان و دنیا همجمعیت اونمی گه ایمس دیر.
بیزلرنینگ «ایکس» ترماغی ده هم تعقیب قیلینگ!
افغانستان ده اسلام امیرلیگی حاکمیت نی آلگچ قریب ایکی ییل دن بیری خاتین قیزلر تعلیم و ایش گه باریش دن محروم بولگنلر و اسلام امیرلیگی نیچه مرته ینگی قاعده‌لر اساسیده اولر نینگ تعلیم و ایش گه باریش‌لریدن ایشانچ بیرگن بیرحالده، بیرلشگن ملت‌لر تشکیلاتی نینگ اوتگن کونگی ییغیلیشی ده افغانستان وضعیتی محاکمه قیلینگن.
