بیرلشگن ملتلر تشکیلاتینینگ بالهلرنی قوللب-قوتلش صندیغی (یونیسف)، گه کوره، اسرائیل و حماس آرهسیده آتیش کیسین برقرار بولگنیدن سونگ، هر کونی غزه گه قرشی بو مملکت هجوملریده بیر باله اولدیریلگن.
اوشبو نهادنینگ بوگون (۱۸-اسد/۹-اگست، یکشنبه)، گزارش بیریشیچه، اسرائیل و حماس آرهسیده ۳۰۰ کون آتیش کیسینده، بو مملکتنینگ غزه گه اویوشتیرگن هجوملریده قریب ۳۰۰ باله اولگن.
بیرلشگن ملتلر تشکیلاتی بالهلرنی قوللب-قوتلش صندیغینینگ ایتیشیچه، شونینگدیک آتیش کیسین برقرار بولگنی هم غزه دهگی اینگ جبرلنهدیگن کیشیلرنی سقله آلمهگن.
اسرائیل و حماسنینگ اوتگن ییلی اکتبر آییده آتیش کیسینگه کیلیشگنی بیرحالده؛ لیکن فلسطینلیکلرگه قرشی بو مملکت هجوملری توختمهگن. فلسطین ساغلیقنی سقلش وزیرلیگینینگ معلوماتی اساسیده، غزه ده آتیش کیسین برقرار بولگنیدن کیین اسرائیل هجوملریده بیر مینگدن آرتیق کیشی اولیب و تورت مینگدن آرتیق کیشی یرهلنگن.
