اسلام امیرلیگی سوزلاوچیسی ذبیح‌الله مجاهد، افغانستان ده همه‌شمول حکومت شکللنیشی گه دایر مملکت‌لر اینیقسه امریکا نینگ طلبی گه مناسبت بیلدیریب ایتیشیچه، بو طلب حاضرگی حکومت تامانیدن قبول قیلینمه‌یدی.
اونگه کوره، حکومت نینگ همه‌شمول بولیش یا که بولمسلیگی افغانستان نینگ ایچکی مسئله‌سی دیر، هیچ بیر مملکت نینگ اره‌لشیش گه حقی یوق.
او نینگ کوپه‌یتیریشیچه: «حکومت ده برچه قوم‌لر گه سهم بیریلیش معناسی همه‌شمول بولسه، حاضرگی توزوم برچه قوم دن تشکیل ایتیلگن، کابینه و حکومتدارلیک ده برچه قوم دن نماینده بار و حکومت نینگ ۸۰ فایز توزیلمه‌سی سابق دن فعال دیر اگر او همه‌شمول بولسه بیز افغان‌لر نیمه قیلیشنی بیله‌میز، هیچ مملکت نینگ افغانستان ایچکی ایشلری گه اره‌لشیش حقی یوق دیر.»
بیزلرنینگ فیسبوک صحیفه‌میزگه باش اورینگ!
قطر ده افغانستان اوچون امریکا ایلچیخانه‌سی، جمعه کونی، ۲۴ سنبله، خلق‌ارا دموکراسی کونی مناسبتی بیلن برچه افغان‌لر نینگ قیینچیلیگی حلی اوچون افغانستان ده همه‌شمول حکومت شکللنیشی اوستیگه تأکید ایتگن.
سیاسی ایش بیلرمان‌لردن بیرقطاری نینگ ایتیشلریچه، امریکا همه‌شمول حکومت شکللنیش طلبی بیلن، افغانستان ده اوز منفعتی و مقصدلری گه ایریشیشنی ایسته‌یدی.
سیاسی ایش بیلرمان محمود اضطرابی نینگ ایتیشیچه: «امریکا دموکراسی و باشقه ارزش‌لر بهانه‌سیده اوز مقصدلرینی ایزله‌یدی، بو مملکت تاریخی بویلب اوروش قوزغه‌تووچی رولینی اوینب کیلگن، بیراق مستقیم اوروش شعاری بیلن کیلمه‌دی بلکه دموکراسی بهانه‌سی بیلن کیلگن، حاضر بو کبی شعار و همه‌شمول حکومت شکللنیش بهانه‌سیده اوز منفعتینی ایزله‌یدی.»
بیزلرنینگ توییترده هم تعقیب قیلینگ!
سیاسی ایش بیلرمان‌لردن باشقه بیری عبدالجبار اکبری گه کوره: «امریکا تورلی خیل بهانه‌لر بیلن افغانستان ده حضور تاپیش اوچون سیاسی بهانه قیدیرماقده و همه‌شمول حکومت شکللنیشی ینگی اویین دیر.»
امریکا نینگ یوقاری مرتبه‌لی رسمی‌لری، اوتگن ایکی ییل ده نیچه مرته افغانستان ده همه‌شمول حکومت شکللنیشی اوستیگه تأکید ایتگنلر. بوندن آلدین افغانستان اوچون امریکا ایلچیخانه‌سی شارژدافیری کرن دیکر، مملکتی افغانستان ده همه‌شمول حکومت شکللنیش طرفداری ایکن‌لیگینی ایتگن ایدی.
