اوزبیکستان نینگ سمرقند شهری ده یولگه قوییلگن ییغینده، افغانستان قوشنی دولت‌لری نینگ تشقی ایشلر وزیرلری، اوشبو مملکت نینگ خوفسیزلیک و سیاسی وضعیتینی محاکمه قیلیب و همه‌شمول حکومت شکلله‌نیشی گه دایر، دنیا همجمعیت نینگ خواستی عملی بولیشی اوستیگه تاکید ایتگنلر.
بیزلرنینگ فیسبوک صحیفه‌میزگه باش اورینگ!
اوزبیکستان تشقی ایشلر وزیرلیگی پنج‌شنبه کونی، ۲۴ حمل، بیر بیانیه ترقه‌تیب ایتیشیچه، سمرقند ییغینیده اشتراک ایتگنلر اسلام امیرلیگیدن، خاتین‌قیزلر نینگ ایشی و قیز اوقووچیلر نینگ تعلیمی گه یره‌تیلگن چیکلاولر بیکار قیلینیشی‌نی سوره‌گنلر.
بیانیه ده، اسلام امیرلیگی آزچیلیک قوم‌لر نینگ حقوقی‌نی رعایت ایتیشی اوستیده تاکید ایتیلگن. شونینگدیک، مذکور ییغینده اشتراک ایتگنلر، افغانستان خلقی گه انسان پرورلیک یاردم‌لر دوام ایتتیریلیشی و اوشبو مملکت نینگ اقتصادی تیکله‌نیشی حقیده بحث ایتگنلر.
ایتیش کیره‌ک که، اوتگن کون افغانستان قوشنی دولت‌لری تشقی ایشلر وزیرلری نینگ تورتینچی ییغینی، روسیه، چین، ایران، اوزبیکستان، پاکستان، تاجیکستان، و تورکمنستان حضوری بیلن باشلندی.
بیزلرنینگ توییترده هم تعقیب قیلینگ!
اوشبو ییغین تیوره‌گیده، روسیه، چین، پاکستان و ایران تشقی ایشلر وزیرلری، افغانستان ده همه شمول حکومت شکلله‌نیشی و خاتین قیزلر گه یره‌تیلگن چیکلاولر بیکار قیلینیشی اوستیگه تاکید ایتگنلر.
