افغانستان بیلن قوشنی دولت‌لر نینگ تشقی ایشلر وزیرلری، اوشبو هفته پنج‌شنبه، ۲۴ حمل، اوزبیکستان نینگ سمرقند شهری ده ییغین اوتکزیش‌لری کوتیله‌دی.
روسیه، چین، ایران، پاکستان، تاجیکستان، تورکمنستان و اوزبیکستان تشقی ایشلر وزیرلری حضوری بیلن بولیب اوته‌دیگن اوشبو ییغیلیش ده، افغانستان ده‌گی سیاسی و امنیتی وضعیت بحث گه آلینیشی کوتیله‌دی.
روسیه تشقی ایشلر وزیرلیگی بیر بیانیه ترقه‌تیب، اوشبو مملکت تشقی ایشلر وزیری سرگی لاوروف، ۱۳ اپریل ده، اوزبیکستان ده افغانستان بیلن قوشنی دولت‌لر نینگ تشقی ایشلر وزیرلری تورتینچی ییغیلیشی ده اشتراک ایتیشینی معلوم قیلگن.
بیزلرنینگ فیسبوک صحیفه‌میزگه باش اورینگ!
روسیه تشقی ایشلر وزیرلیگی نینگ بیانیه‌سیده کیلیشیچه: «افغانستان ده امنیتی قیین وضعیت، ترورچی گروه‌لر نینگ فعالیتی و بنگی‌وار ماده‌لرنی ییتیشتیریش، ترورچی گروه‌لر و بنگی‌وارماده‌لر قاچاق ایتیلیشی گه قرشی کوره‌ش، منطقه اولکه‌لر نینگ اعتبارینی اوزی گه قره‌تگن.»
افغانستان بیلن قوشنی دولت‌لر نینگ تشقی ایشلر وزیرلری ییغیلیشی ده، حاضرگچه اسلام امیرلیگی نماینده‌سی چقیریلمه‌گن.
اسلام امیرلیگی سوزلاوچیسی نینگ اورین باسرلریدن بلال کریمی نینگ ایتیشیچه، افغانستان گه دایر هر ییغیلیش ده، اسلام امیرلیگی نماینده‌سی چقیریلیشی کیره‌ک.
او نینگ سلام‌وطندار گه ایتیشیچه: «حاضر وقت و جزئیاتی تکمیل بولمه‌گن. افغانستان توپراغی هیچ بیر مملکت اوچون تهدید ایمسلیگینی نیچه مرته بیان قیلدیک. بولیب اوته‌دیگن ییغیلیش‌لر، افغانستان خلقی و مملکت اونمی گه بولسه خوش‌قرشی له‌یمیز. لیکن بو گَل ییغیلیش‌لرده افغانستان دن نماینده چیقریلیشی کیره‌ک.»
باشقه تاماندن، خلق‌ارا مناسبت‌لر تدقیقاتچیسی مصطفا مدثر گه کوره، مذکور ییغیلیش ده حضوری بولگن اولکه‌لر، افغانستان نینگ سیاسی و امنیتی وضعیتیدن تاثیرلنمسلیگی اوچون سعی‌وحرکت قیله‌دیلر.
او نینگ کوپه‌یتیریشیچه: «پنج‌شنبه کونی، چین، روسیه کبی مرکزی آسیا اولکه‌لر نینگ نماینده‌لری ییغیلیشی بولیب اوته‌دی، چونکه بولر اوز امنیت‌لریدن خواطرده‌لر. اسلام میرلیگی حضورینی مهم بیلمسلیک‌لری اوچون، اولرنی چقیریشمه‌گن.»
بیزلرنینگ توییترده هم تعقیب قیلینگ!
شو بیلن بیرگه، سیاسی فعال جمعه‌خان پویا گه کوره، اسلام امیرلیگی جهان گه بیرگن وعده‌لری گه عمل قیلمسلیگی اوچون، افغانستان بیلن قوشنی دولت‌لر نینگ تشقی ایشلر وزیرلری ییغیلیشی ده چقیریلمه‌گن.
جمعه‌خان پویا نینگ کوپه‌یتیریشیچه: «نیچه آی آلدین بولیب اوتگن مسکو فارمتی بیشینچی ییغیلیشی ده هم، اسلام امیرلیگی نماینده‌سی چقیریلمه‌گن ایدی، اسلام امیرلیگی منطقه و دنیا اولکه‌لری گه بیرگن وعده‌لری گه عمل قیلمسلیگی اوچون چقیریلمه‌گنینی آچیق ایتگن ایدی روسیه، سمرقند ییغیلیشی ده اسلام امیرلیگی چقیریلمسلیک سببی هم شو مسئله بولیشی ممکن؛ اورته آسیا و افغانستان قوشنی‌لری اوز امنیت‌لریدن خواطر ده دیر.»
ایتیش کیره‌ک که، دنیا همجمعیت بیلن اسلام امیرلیگی نینگ تعامل قیلمسلیگی و شونینگدیک، افغانستان ده همه شمول حکومت شکللنیشی گه دایر منطقه مملکت‌لر نینگ خواستی عملی بولمسلیگی سبب، اوشبو مملکت گه دایر منطقه و خلق‌ارا ییغیلیش‌لرده اسلام امیرلیگی نماینده‌سی چقیریلمه‌یدی.
