بیرلشگن ملت‌لر تشکیلاتی نینگ خوفسیزلیک کینگشی بوگون (پنجشنبه، ۲-سرطان)، افغانستان وضعیتی گه دایر بیر ییغین اوتکزیشی ممکن.
افغانستان ده بیرلشگن ملت‌لر تشکیلاتی نینگ اورین‌باسرلیک هیأت دفتری یا-ده یوناما، بیر اعلامیه ترقه‌تیب ایتگن که، اوشبو ییغین‌ده بیرلشگن ملت‌لر تشکیلاتی نینگ باش‌کاتبی افغانستان حقیده گزارش ارایه قیله‌دی.
بیزلرنینگ فیسبوک صحیفه‌میزگه باش اورینگ!
اعلامیه‌ده کیلگن که، افغانستان بوییچه بیرلشگن ملت‌لر تشکیلاتی نینگ انسان‌دوستلیک یاردم‌لر هماهنگ قیلووچیسی رامز الاکبروف، اوشبو ییغین نینگ بیر بولیمی صفتیده، خوفسیزلیک کینگشی گه بیر گزارش ارایه قیلیشی ممکن.
بوندن آلدین، افغانستان وضعیتی نینگ تیکشیریش اوچون بیرلشگن ملت‌لر تشکیلاتی نینگ خوفسیزلیک کینگشی نیچه مرته ییغین یولگه قوییگن. گرچند بوگون یولگه قوییله‌دیگن ییغین نینگ موضوع‌سی حاضرگچه اَیتیلمه‌گن، بیراق سونگی یوز بیرگن اولیم‌لی زلزله حقیده بحث بولیشی ممکن.
