اسلامی امارت مسئوللری ایچکی مشروعیت‌گه قول تاپیش اوچون برچه قوم‌لر نماینده‌لری نینگ اشتراکی بیلن کیله‌سی کونلرده ملی بیر ییغین اوتکزیلیشی‌دن خبر بیرگنلر.
اسلامی امارت معلومات ومدنیت وزیرلیگی رسانه‌لرنی کوزه‌تیش بوییچه اداره‌سی نینگ باشلیغی عبدالحق حماد نینگ سلام‌وطندارگه ایتیشیچه، اسلامی امارت ۲ آیدن بویان اهالی مصلحتی بیلن مملکت‌ده‌گی قیینچیلیکلرنی حل قیلیش اوچون سعی وحرکت قیلماقده.
اونینگ کوپه‌یتیریشیچه، بو توغریده کیله‌سی کونلرده مملکت سطحی‌ده‌گی شورالر اشتراکیده، بویوک بیر ییغین اوتکزیلیشی ممکن.
بیزلرنینگ فیسبوک صحیفه‌میزگه باش اورینگ!
عین‌حالده، گلبدین حکمتیار ییتکچیلیگیده‌گی، اسلامی حزب نینگ اورین باسری مفتی حفیظ الرحمان نینگ ایتیشیچه، اوشبو ییغین‌ده اشتراک قیله‌یاتگن کیشی‌لر اهالی تامانیدن تنله‌نیشی کیره‌ک و بو ییغین اوتمیش‌ده‌گی ییغین‌لر کبی نمایشی بولمه‌یشی کیره‌ک.
اونینگ کوپه‌یتیریشیچه، بو ییغین قَییرده، قَچان و کییم نینگ ییتکچیلیگیده یولگه قوییلیشی حاضرگچه انیقلنمه‌گن.
باشقه بیر تاماندن سیاسی ایش بیلرمان، سید اکبر آغا مذکور ییغین تیزلیکده یولگه قوییلیشی اوستیگه تأکید قیلیب ایتیشیچه، بوکبی بویوک و ملی ییغین نینگ اوتکزیلیشی اهالی نینگ ایستکلریدن دیر، اونگه کوره، اوشبو ییغین‌ده اهالی قیینچیلیکلرینی اسلامی امارت مسئوللری بیلن اورته‌گه قویشلری ممکن.
شونده‌ی بیرحالده، بیرقطارعیاللر حقوقی نینگ فعاللری افغانستان نینگ حاضرگی وضعیتی‌گه بناً بو کبی ملی ییغین‌لرنینگ اوتکزیلیشینی مملکت‌ده‌گی بار قیینچیلیکلر حل ایتیلیشی اوچون اونملی عنوان قیلهدیلر.
بیزلرنینگ توییترده هم تعقیب قیلینگ!
اولر نینگ کوپه‌یتیریشلریچه، بو کبی ییغین‌لر نینگ اوتکزیلیشی اسلامی امارت ایچکی مشروعیت‌گه قول تاپیب و دنیا مملکت‌لری تامانیدن رسمیت‌گه تانیلیش خصوصیده یاردم بیره‌دی.
فعال عیاللردن بیری تاجور کاکر، اوشبو ییغین‌ده عیاللر نینگ اشتراک ایتیشی ضرور ایکن‌لیگی اوستیگه تأکید قیلگن.
ایتیش کیره‌ک دیرکه بوندن آلدین بیرلشگن ملت‌لر تشکیلاتی و بیرقطار سیاسی کیشی‌لر مملکت تیزیمی نینگ مشروعیتی توغریسیده صحبت قیلینیشی و مملکت‌ده‌گی قیینچیلیکلر حل ایتیلیشی اوچون بو کبی ییغن‌لر یولگه قویلیشینی طلب قیلگن ایدیلر.
