ایش اداره‌سی نینگ عمومی ریاستی بوگون «دولت نینگ ملت گه حساب بیریش» برنامه‌سی دوامی‌ده خبری بیر ییغین آرقه‌لی بیر ییل‌لیک ایشلری و یوتوقلری نی رسانه‌لر بیلن شریک قیلگنلر.
ایش اداره‌سی عمومی ریاستی نینگ پالیسی و تیکشیریش اورین‌باسری سیف الدین تائب اوشبو ییغین‌ده ایتگن که، دنیا جماعه درست بیر شکلده قضاوت قیلگنی صورت‌ده، افغانستان دنیا نینگ شفاف مملکت‌لری رویخطیده قرار تاپیشی کیره‌ک. اونینگ ایتیشیچه، افغانستان جمهوریت توزومی‌ده شفاف مملکت‌لر آره‌سیده قرار تاپگن ایدی.
بیزلرنینگ فیسبوک صحیفه‌میزگه باش اورینگ!
جناب تائب نینگ کوپه‌یتیریشیچه، گمرک‌لر و اسلامی امارت نینگ نهاد‌لریده فساد نینگ آلدی آلینگن دیر و شونینگدیک اسلامی امارت نینگ درآمدی اوتگن بیر ییل‌ده یوقاری کیتگن.
ایشلر اداره‌سی نینگ پالیسی و تیکشیریش اورین‌باسری نینگ ایتیشیچه، ۱۳۹۹-ییل‌دن آلدین افغانستان ده فساد گه قرشی کوره‌ش اسمی‌ده هیچ بیر نهاد یوق ایدی و ۱۳۹۹-ییل‌دن کیین هم فساد گه قرشی کوره‌ش اداره‌سی سمبول کبی موجود بولیب و سابق حکومت تامانیدن حمایت بولمه‌س ایدی.
او، اوشبو اداره نینگ بیر ییل‌لیک یوتوقلری بولیمی‌ده کوپه‌یتیرگن که، اولر۶ تشقی مملکت گه دیپلمات یوباریش گه موفق بولگنلر. ایشلر اداره‌سی نینگ تیکشیریش و پالیسی اورین‌باسری گه کوره، ترکیه، ایران، ترکمنستان، روسیه، چین و پاکستان اسلامی امارت دیپلمات‌لری نینگ قبول قیلگن مملکت‌لردن دیر.
بیزلرنینگ توییترده هم تعقیب قیلینگ!
شونده‌ی بیرحالده، اوشبو مطبوعاتی ییغین‌ده ایشلر اداره‌سی نینگ عمومی ریاست دفتر رئیسی عبدالولی صدیقی، اداره‌لرده موجود بولگن قیین‌چیلیکلر و شکایت‌لر بولیمی‌ده ایتگن که، اینگ یقین زمان‌ده اهالی شکایت‌لری نینگ حل قیلیش اوچون آنلاین شکایت ثبت قیلیش نی ایجاد قیلیش‌لری ممکن.
خلق‌ارا شفافیت تشکیلاتی ینگی بیر گزارشی‌ده افغانستان نینگ دنیا ده ۷-فاسد مملکت تانیلگنی نی ایتگنی بیرحالده، ایشلر اداره‌سی نینگ عمومی ریاست مسئوللری افغانستان‌دن شفاف بیر مملکت عنوان قیله‌دیلر.
