خلق‌ارا شفافیت تشکیلاتی نینگ معلوماتی اساسیده، ۲۰۲۱-ییل‌ده افغانستان دنیا بویلب ۱۸۰ مملکت آره سیده ۱۷۴ اورین‌گه قرار تاپکن.
مذکور معلومات‌لر اساسیده، افغانستان ۲۰۲۱ییل‌ده ۱۶ امتیاز آلیش بیلن، ۲۰۲۰-ییل گه قره‌گنده اوچ امتیاز کم قولگه کیلتیرگن. افغانستان ۲۰۲۰-ییل‌ده ۱۹ امتیاز آلیش بیلن ۱۶۵- اورین‌گه قرار تاپگن ایدی.
بوییل نینگ فساد درک قیلیش شاخصی نینگ کورستیشیچه، دنیا بویلب فساد سطحی ثابت قالگن و بوشاخص‌لر ۱۰- ییل ایچیده هم اوزگرمه‌گن.
خلق‌ارا شفافیت نهادی نینگ ترقه‌تگن گزارشی اساسیده، بیرقطار مملکتلر نینگ تعهدلری بیلن، حاضرگچه ۱۳۱ مملکت اوتمیش ییل گه قره‌گنده فساد برابری‌ده هیچ بیر یوتوق‌گه ایگه بولمه‌گن. مملکت‌لردن اوچ‌دن ایکی‌سی ۵۰دن آزراق امتیار آلگن و ۲۷ مملکت اینگ آز امتیازنی کسب قیلگن.
فساد درک قیلیش شاخصی عمومی بولیمیده، دنیا بویلب ۱۸۰ مملکت‌نی معلومات‌لری‌گه قره‌ب ترتیبله‌یدی و نتیجه‌لرنی ۰(کوپ فاسد) دن ۱۰۰(اینگ یخشی) مقیاسی‌ده ارائه قیله‌دی.
