بیرلشگن ملتلر تشکیلاتی نینگ خوفسیزلیک کینگشی ایرته (چهارشنبه، ۱۱ حوت)، افغانستان وضعیتی گه دایر ییغین اوتکزیشی کوتیلهدی.
بیرلشگن ملتلر تشکیلاتی نینگ افغانستانده‌گی اورین باسرلیک هیأت دفتری یا یوناما گه کوره، ایرته خلق‌ارا تشکیلات نینگ خوفسیزلیک کینگشی ییغینیده، افغانستان وضعیتی محاکمه قیلینه‌دی.
بیزلرنینگ توییترده هم تعقیب قیلینگ!
یوناما نینگ بیاناتی اساسیده، بیرلشگن ملتلر تشکیلاتی باش کاتبی نینگ افغانستان اوچون مخصوص نماینده‌سی دیبرا لاینز، مذکور مملکت وضعیتی خصوصیده اوشبو ییغینده گزارش بیریشی ممکن.
خلق‌ارا تشکیلات خوفسیزلیک کینگشی ۶ دلوده افغانستان وضعیتی‌نی تیکشیریش مقصدیده، ناروی باش وزیری یوناس گار استوره ییتکچیلیگیده ییغین اوتکزگن ایدی.
بیرلشگن ملتلر تشکیلاتی نینگ باش کاتبی آنتونیو گوترش، بیرلشگن ملتلر تشکیلاتی باش کاتبی نینگ افغانستان اوچون مخصوص نماینده‌سی دیبرا لاینز و ناروی تشقی ایشلر وزیری آنیکن هویتفلد، افغانستان وضعیتی گه دایر بیرلشگن ملتلر تشکیلاتی نینگ خوفسیزلیک کینگشی ییغینیده گزارش بیردیلر.
بیزلرنینگ فیسبوک صحیفه‌میزگه باش اورینگ!
بو عین‌حالده، اسلامی امارت حاکم بولیشی و افغانستان گه چیت ایل یاردم‌لری کیسیلیشی بیلن، اوشبو مملکت بویلب بشری انقراض کونسه‌یین اوج آلماقده. بیرلشگن ملتلر تشکیلاتی یاردم بیرووچی جمغرمه‌لر نینگ قوشمه گزارشی اساسیده، افغانستانده بشری احتیاج، اوتگن میلادی ییل گه نسبتن ۳۰ فایز کوپه‌یگن دیر.
