بیرلشگن ملتلر تشکیلاتی نینگ باش کاتبی آنتونیو گوترش نینگ ایتیشیچه، اوشبو تشکیلات خوفسیزلیک کینگشی گه عضو بولگن ۵ مملکت افغانستانده هرتامانلمه بیر حکومت قوریلیشینی ایستهگنلر.
بیرلشگن ملتلر تشکیلاتی نینگ باش کاتبی، اوشبو تشکیلات ۷۶- عمومی ییغینی چیککهسیده خبر بیر ییغین اوتکزیب ایتیشیچه، آمریکا، روسیه، چین، فرانسه و بریتانیا طالبان گروهی دن هرتامانلمه بیر حکومت ایجاد قیلیشینی سورهگن.
آنتونیو گوترش نینگ کوپهیتیریشیچه، بو تشکیلات دایمی عضوی بولگن مملکتلر طالبان گروهی دن افغانستاننی عصیانچیلر تینچ مکانیگه اوزگریش گه رخصت بیرمهیشینی سورهگنلر. شونینگدیک، آمریکا، روسیه، چین، فرانسه و بریتانیا طالبان گروهی دن عیاللر حقوقلریگه حرمت قیلیشینی ایستهگن.
طالبان گروهی سنبله آیی نینگ ۱۶ و ۳۰ ده کابینهسی نینگ سرپرستلرینی اعلان قیلگن بیر حالده، اوشبو مملکتلر هرتامانلمه حکومت اوستیگه تاکید قیلگنلر. طالبان گروهی تامانیدن نشر ایتیلگن فهرست گه کوره، ملا محمدحسن آخند رییس الوزرا و ملا عبدالغنی برادر و مولوی عبدالسلام حنفی اونینگ اورین باسرلری صفتیده تعیین لنگنلر.