پاکستان میدیالری نینگ گزارشی اساسیده، افغانستان و پاکستان آره‌سیده تجارت سودا-ساتیغی ۱ میلیارد دالر گه کمه‌یگن. پاکستان چاپی اکسپرس تریبون کونده‌لیگی، بوگون پاکستان و افغانستان سوداگرلیک و صناعت قوشمه اتاقی (PAJCCI) دن نقل قیلیب یازیشیچه، ایکی مملکت آره‌سیده تجارت حجمی ۲.۵ میلیارد دالردن ۱ میلیارد دالر گه کمه‌یگن.
مذکور کونده‌لیک نینگ یازیشیچه، «دوستانه سودا سیاستی یوق‌لیگی، مناسب آلیش-بیریش اوچون تجارتی میکانیسم سیزلیک، ثمره‌سیز سرمایه یاتقیزیش» افغانستان و پاکستان ارا سوداگرلیک حجمی کمه‌یش یگانه عاملی دییلگن.
بیزلرنینگ فیسبوک صحیفه‌میزگه باش اورینگ!
گزارش اساسیده، افغانستان و پاکستان دولت‌لری تامانیدن مالیه‌وی اصلاحات کیریتیلیشی، ایکی برابر سالیق آلینیشی، ایکی مملکت آره‌سیده سوداگرلیک اوستیگه تاثیر قیلگن.
پاکستان و افغانستان سوداگرلیک و صناعت قوشمه اتاقی باشلیغی زبیر متیواله نینک اکسپرس تریبون گه ایتیشیچه: «ایکی مملکت آره‌سیده سوداگرلیک حجمی ۵ میلیارد دالر بولسه ایدی، بیراق افغانستانده بانکی تیزیم یوق‌لیگی باعث، ثالث مملکت‌لر آرقه‌لی توللش ممکن سیز دیر.» اونینگ کوپه‌یتیریشیچه، پاکستان دولتی افغانستان بیلن روپیه سوداگرلیگینی آسانلشتیرمه‌گن.
بیزلرنینگ توییترده هم تعقیب قیلینگ!
اکسپرس تریبون نینگ یازیشیچه، افغانستان و پاکستان سودا-ساتیغی کمه‌یشی بیلن، باشقه مملکت‌لر جمله‌دن ایران گه، افغانستان بیلن سوداگرلیک فعالیت‌لرینی کینگه‌یتیریشی اوچون فرصت یره‌تیلگن.
