افغانستان اسلامی وحدت حزب رهبری و سیاسی و ا منیتی ایشلر بوییچه جمهوررئیس ییریک مصلحتچیسی محمد محقق نینگ ایتیشیچه، دنیا افغانستان نینگ ینه بیر مرته ترورچیلیک اوچون تینچ اویه گه اوزگریشی گه رخصت بیرمه‌یشی کیره‌ک.
بوگون (جمعه ۷- جوزا) اسلامی وحدت حزب رهبری، افغانستان شمالی ده ۳۰۳ پامیر زون قومندانی داوود داوود و تخار پولیس قومندانی شاه‌جهان نوری نینگ اولیمی نی ۱۰ ییل‌لیگی مناستبی بیلن یولگه قوییلگن ییغینده، بونده‌ی بیانات بیرگن.
سیاسی و امنیتی ایشلر بوییچه جمهوررئیسی ییریک مصلحتچیسی دنیا جماعه‌چیلیگیدن «ملایم ملایم بیانات بیریب و حاضر سیماسینی اوزگرتیرگن کیشیلرنینگ سوزی گه آلدنمه‌سلیگی نی» سوره‌گن. محقق گه کوره، دنیا افغانستان نینگ ینه ترورچیلیک اویه‌سیگه اوزگرمه‌سی گه دقت قیلیشی کیره‌ک.
بیزلرنینگ فیسبوک صحیفه‌میزگه هم باش اورینگ!
جناب محقق نینگ کوپه‌یتیریشیچه، اوروش شعاری بیرمه‌یدی و تینچلیک اوچون تیار دیر، بیراق نیچه مرته ایتگن که طالبان نینگ تینچلیککه هیچ قنده‌ی علاقه‌سی یوق. اونینگ اورغولشیچه، اوروش و تینچلیک اوچون تیار دیر.
- «ناتو ترورچیلیککه قرشی کوره‌ش اوچون افغانستان حربی‌لریدن حمایت قیلیش گه متعهد دیر»
- افغانستان دولتی امنیتی کوچلر برابریده ناتو نینگ وعده‌لری دوام تاپیشی نی خوشی قرشی‌لگن
- غنی: چیت‌ایللیک کوچلرنینگ چیققنیدن کیین، طالبان زوروانلیک‌لریگه قرشی کوره‌ش گه تیارمیز
- چیت‌ایللیک کوچلرنینگ چیقیشی اعلام ایتیلگن بیرحالده طالبان هجوم‌لری کوپه‌یگن
محقق نینگ ایتیشیچه، افغانستان ده مردم‌سالارلیک نی نهادینه قیلیش اوچون قرار آلگن ایکن و اوتگن ۲۰ ییل ده شو مسیر گه حرکت قیلگن. بیراق اورغولشیچه، سونگی ییل‌لرده متوجه بولگن که وضعیت باشقچه آلغه کیتماقده.
بیزلرنینگ توییترده هم تعقیب قیلینگ!
محمد محقق نینگ ایتیشیچه، سونگی ایکی ییل ده تیارگرلیک آلگن و تینچلیک بولمه‌ی و اوروش دوام تاپگن صورتده، دولت و امنیتی کوچلرنینگ یانیده توریب اهالیدن مدافعه قیله‌دی. جناب محقق نینگ ایشانچی گه کوره، افغانستان نینگ حاضرگی وضعیتی چیت‌ایللیک کوچلرنینگ چیقیشی بیلن «یمان» دیر؛ بیراق تینچلیک اوچون هم امیدوارلیک بار.
باشقه بیر تاماندن محمد محقق نینگ ایتیشیچه، طالبان بو فکر گه بولمه‌سین که چیت‌ایللیک کوچلر چیقیشی بیلن قضیه اولرنینگ فایده‌سیگه تمام بوله‌دی؛ چونکه اونگه کوره، شوروی نی مغلوب قیلگن قهرمانلرنینگ اوزلری بولمه‌گنده هم، کیله‌جک نسل‌لری طالبان گه قرشی توریب و افغانستان بیراغی نی کوتاریب توریشی ممکن.
