پاکستان ملی خوفسیزلیک کینگشی مصلحتچیسی موید یوسف، بوگون بیر هیات ییتکچیلیگیده آلدیندن اعلان بولمه‌گن بیر سفرده کابل کیلدی. پاکستان نینگ کابل ده‌گی ایلچیسی منصور احمد‌خان توییتری‌ده یازیشیچه، اوشبو مملکت نینگ ملی امنیت مصلحتچیسی اسلامی امارت تشقی ایشلر وزیرلیگی نینگ سرپرستی امیرخان متقی بیلن اوچره‌شگن.
پاکستان نینگ کابلده‌گی ایلچیسی‌گه کوره، ایکی مملکت اقتصادیاتی و مناسبت‌لرینی مستحکم‌لش مقصدیده مذکور مملکت ملی خوفسیزلیک کینگشی مصلحتچیسی نینگ اسلامی امارت رسمی‌لری بیلن رسمی ییغین‌لری دوام ایتیشی ممکن. اسلامی امارت رسمی‌لری حاضرگچه بوتوغریده هیچ نرسه دیمه‌گن.
بیزلرنینگ فیسبوک صحیفه‌میزگه باش اورینگ!
پاکستان ملی خوفسیزلیک مصلحتچیسی بیر هیات ییتکچیلیگیده ۲۸ جدی ده ایکی کون‌لیک سفرده کابل کیلیشی کوتیلر ایدی؛ بیراق ایریم دلیل‌لر سبب سفری بیکار قیلیندی. اوشبو مملکت رسمی لری پاکستان ملی امنیت مصلحتچیسی نینگ سفری توخته تیلیش سببی‌نی وضعیت مناسب ایمسلیگی عنوان قیلگن.
اسلامی امارت حاکمیت‌نی قولگه آلیشیدن کیین بو پاکستان متصدی‌لری نینگ کابل‌گه ایکینچی رسمی سفری دیر. پاکستان تشقی ایشلر وزیری شاه‌محمود قریشی اوشبو ییل میزان آی‌ده کابل کیلگن ایدی. اسلامی امارت تشقی ایشلر وزیرلیگی نینگ سرپرستی امیرخان متقی ایکی مراتبه پاکستان سفر قیلگن.
بیزلرنینگ توییترده هم تعقیب قیلینگ!
اوشبو سفرلر عین‌حالده بولماقده که پاکستان افغانستان اسلامی امارت نینگ اصلی حامی‌سی حسابلنه‌دی، حاضرگه قدر بو حکومت‌نی رسمیت‌گه تانیمه‌گن. اسلام آباد؛ پاکستان رسمی لری نینگ کابل‌گه سفرلرینی انسان پرورلیک یاردم‌لرگه زمینه یره‌تیش دیگن‌لر.
