ینگی‌لیکده پاکستان باش وزیری عمران خان، افغانستان گه انسانی کوچ یوباریش نی ایسته‌گن. پاکستان باش وزیر دفتری نینگ یازیشیچه، مذکور مملکت مسلکی و تجربه‌لی کیشی‌لرنی افغانستان گه معلومات و فناوری، طبی، مالی و حسابدارلیک بولیم‌لریگه یوباریش اوچون قرار آلگن.
عمران خان خلق‌ارا جماعه و یاردم بیرووچی نهادلردن افغانستان اقتصادی تیزیمی نینگ نابود بولیشی گه توسیق بولیش اوچون، اوشبو مملکت گه یاردم بیریش‌لرینی سوره‌گن.
بیراق سیاسی ایش بیلرمانلرنینگ ایشانچ‌لریگه کوره، افغانستان نینگ تشقی مملکتلرنی ایش نیروسیگه نیازی یوق، اما پاکستان منطقه‌ده اوز کوچی نی کورسته‌تیش و افغانستان یمان وضعیتیدن اوز فایده‌سیگه قوله‌نیش اوچون سعی و حرکت قیله‌دی.
بیزلرنینگ فیسبوک صحیفه‌میزگه باش اورینگ!
سیاسی ایش‌بیلرمان عبدالجبار اکبری، پاکستان نینگ افغانستان گه کوچ یوباریشی قراری دشمن‌لیک نی کورسته‌دی دیگن.
شو توغریده سیاسی ایش بیلرمان مهدی افضلی نینگ سلام‌وطندار گه اییتیشیچه: «مدیریت و دولت نی رهبرلیک قیلیش اوچون لازم تیارگرلیگی یوق و باشقه بیر تاماندن سابق دولت‌ده ایش قیله دیگن بروکرات‌لر، طالبان آرقلی آرتده چیکیلتیریلیب و دولت‌ده همکارلیگی یوق و انه شوو سبب پاکستان مذکور خلا‌لر نی هر یولدن جبران قیلیش اوچون سعی و حرکت قیلماقده.»
بوتوغریده اسلامی امارت نینگ فکری نی آلیش ایسته‌دیک، بیراق اولر جواب بیریش گه حاضر بولمه‌دی.
شونده‌ی بیر حالده، بوندن آلدین نیویورک تایمز کونده‌لیگی گزارش بیرگن ایدی که، اسلامی امارت مسلکی کادرلر کملیگی بیلن روپه‌رو بولگن و بو خلا نی کوتاریش اوچون پاکستان دن یاردم ایسته‌گن.
