یمن حوثیلری سعودی عربستاننینگ شمالیده الجوف ولایتی مرکزی الحزم شهریدهگی قماقخانه گه اویوشتیرگن هوا هجومی عاقبتیده ییتی کیشی قربان بولگنینی و ینه ییتی کیشی یرلنگنینی معلوم قیلدی.
الجزیره، بوگون (۱۷ سنبله/۸ ستمبر، سهشنبه)، اوشبو هجوم سعودی عربستان بیلن چیگرهداش یمن حدودیدهگی الجوف ولایتیده جایلشگن اصلاح و تربیت مرکزیگه اویوشتیریلگنینی ایتگن.
حوثیلر نظارتیده ساغلیقنی سقلش وزیرلیگی سوزلاوچیسی انیس الاصبحا، اوشبو هجوم عاقبتیده ییتی کیشی قربان بولگنی و ینه ییتی کیشی یرلنگیننی بیلدیرگن.
شو بیلن بیرگه، حوثیلر سوزلاوچیسی یحیا سریع، سعودی عربستاننی الجوف ولایتیده «قیرغین»قیلیشده عیبلهگن.
سعودی عربستان، حاضرگچه بو ادعالر بارهسیده فکر-ملاحظه بیلدیرمهگن.
یمن حوثیلری عینحالده بوندهی ادعا قیلماقده کی، سونگی هفتهلرده بو گروه همده خلقارا همجمعیت تامانیدن تن آلینگن یمن دولتی اورتهسیده کیسکینلیکلر کوچهیگن.
