یمننینگ خلقارا رسمیتگه تانیلگن دولتی، بابالمندب بوغوزیده حوثیلرنینگ یوک تاشووچی بیر کیمه گه قرشی ایکی باسقیچلی هجومیده، کمیده آلتی کیشی اولیب و باشقه ۱۰ کیشی یرهلنگنینی معلوم قیلگن.
الجزیرهنینگ بوگون (۲۱-اسد/۱۲-اگست، چهارشنبه)، گزارش بیریشیچه، اوشبو کیمه مصر گه تیگیشلی ایکن.
یمن ترانسپورت وزیرلیگینینگ ایتیشیچه، حوثیلر آرقهلی اوچته بالستیک راکته آتیلگنیدن سونگ کیمه آلاو آلیب و «سیزیلرلی درجه» ده ضرر کورگن. اوشبو هجومده پاکستاننینگ اوچ یشاوچیسی و اندونزیانینگ بیر یشاوچیسی اولگن.
شونینگدیک یمننینگ ساحلی قوریقچیسیگه کوره، حوثیلر قوتقریش عملیاتی همده اولگنلر بیلن یرهلنگنلرنینگ انتقال بیریلیش جریانیده هم، کیمه تامان باشقه بیر راکتهنی آتگن که اونینگ نتیجهسیده، یاردم بیرووچی کوچلریدن ایکی تهسی اولگن.
بو هجوم، سعودی عربستان تامانیدن قوللب-قوتلنگن و خلقارا مقیاسده تن آلینگن یمن دولتی بیلن حوثیلر آرهسیده بیر نیچه ییللیک آتیش کیسین اورتهدن کیتیب، اوشبو مملکتده ایسه توقنشوولر ینه کوچهیاتگن بیر پیتده یوز بیرگن.
